28 დეკემბერს რუსეთის ფედერაციის „საელჩომ“ ცხინვალის რეგიონის ბავშვებისთვის საახალწლო წარმოდგენა გამართა.

ღონისძიება კ. ხეთაგუროვის სახელობის „სახელმწიფო“ დრამატულ თეატრში ჩატარდა. მას 165-ზე მეტი ბავშვი დაესწრო. საახალწლო წარმოდგენის შემდეგ ბავშვებს დაურიგდათ საჩუქრები და ტკბილეული.

საახალწლო ღონისძიებაზე ასევე იმყოფებოდა რუსეთის ფედერაციის „ელჩი“ ცხინვალის რეგიონში მარატ კულახმეტოვი. მან ბავშვებს ახალი წელი მიულოცა და ჯანმრთელობა უსურვა.