მთავარი ფიგურები
ძირითადი შეთანხმებები
მოვლენების ქრონოლოგია
ინფოგრაფიკები
ძირითადი უწყებები
ვიზიტების ქრონოლოგია
ახალი ამბები
ყოველთვიური მიმოხილვა
აფხაზეთში რუსეთის მე-7 სამხედრო ბაზის რადიოელექტრონული ბრძოლის სპეციალისტებმა მნიშვნელოვანი ობიექტების უპილოტო საფრენი აპარატების საჰაერო თავდასხმებისგან თავდაცვის უზრუნველყოფაში ივარჯიშეს. სამხედრო პოლიგონზე სპეციალისტებმა რადიოელექტრონული ბრძოლის კომპლექსებისა და სადგურების გაშლის ნორმატივები შეასრულეს.
2019 წლის 15 თებერვალს, ქ. სოჭში, რუსეთის ფედერაციაში, რუსეთის საინვესტიციო ფორუმი-2019-ის ფარგლებში აფხაზეთის დე ფაქტო სახელმწიფო კომპანიამ, „აფხაზეთის საზღვაო სანაოსნომ“ და რუსეთის ღია სააქციო საზოგადოებამ - „შავი ზღვის კრუიზები“, ხელი მოაწერეს შეთანხმებას.
2019 წლის 15 თებერვალს, ქ. სოჭში, რუსეთის ფედერაციაში, რუსეთის საინვესტიციო ფორუმი-2019-ის ფარგლებში აფხაზეთის დე ფაქტო ვიცე-პრემიერმა და ფინანსთა მინისტრმა ჯანსუღ ნანბამ და კრასნოდარის მხარის გუბერნატორის მოადგილემ, იგორ გალასმა ხელი მოაწერეს 2019-2021 წლების ღონისძიებების პროგრამას.
2019 წლის 5 თებერვალს „Российская газета“-ში გამოქვეყნებული სტატიის თანახმად, აფხაზეთის საზოგადოებრივმა პალატამ რუსეთის საზოგადოებრივ პალატასა და დემოკრატიის პრობლემების კვლევის ფონდთან თანამშრომლობით სოციოლოგიური კვლევა - „აფხაზეთი-2018: საზოგადოებრივ-პოლიტიკური პროცესები და პრობლემები, რომლებიც მოსახლეობას აწუხებს“, ჩაატარა. კვლევის მიხედვით, აფხაზეთის მომავალი ლიდერების რეიტინგის სათავეში რუსეთის პოლიტიკური წრეებისთვის კარგად ნაცნობი და რუსეთში მოღვაწე ინალ არძინბა მოხვდა.
2019 წლის 14 თებერვალს, მოსკოვში, რუსეთის ფედერაციის საგარეო საქმეთა სამინისტროში რუსულ და აფხაზურ მხარეებს შორის მორიგი კონსულტაციები გაიმართა. შეხვედრაში მონაწილეობა მიიღო რუსეთის ფედერაციის საგარეო საქმეთა სამინისტროს დსთ-ს ქვეყნების მეოთხე დეპარტამენტის დირექტორმა ალექსეი პავლოვსკიმ (ალექსეი პავლოვსკის შესახებ დეტალურად იხ. აქ) და რუსეთში აფხაზეთის დე ფაქტო ელჩმა იგორ ახბამ.
2019 წლის 14 თებერვალს, ქ. სოჭში, რუსეთის ფედერაციაში, რუსეთის საინვესტიციო ფორუმი-2019-ის ფარგლებში აფხაზეთის დე ფაქტო ვიცე-პრემიერმა და ფინანსთა მინისტრმა ჯანსუღ ნანბამ და რუსეთის ფედერაციის ნენეცის ავტონომიური ოლქის გუბერნატორმა ალექსანდრ ციბულსკიმ ხელი მოაწერეს მემორანდუმს სავაჭრო-ეკონომიკურ, სამეცნიერო-ტექნიკურ და კულტურის სფეროში თანამშრომლობის განვითარების განზრახვის შესახებ.
რუსეთის ფედერაციის სამხრეთის სამხედრო ოლქში მოტომსროლელი და სატანკო დანაყოფების მასშტაბური ტაქტიკური სამხედრო წვრთნები დაიწყო, რომელიც რუსეთის ტერიტორიის გარდა, სომხეთს, საქართველოს ოკუპირებულ აფხაზეთისა და ცხინვალის რეგიონს და ანექსირებულ ყირიმს მოიცავს.
.jpg)
სოხუმში, „მოსკოვის სახლში“, ქ. მოსკოვის მთავრობის ინიციატივით, აფხაზეთში რუსული თემის წარმომადგენლებს და რუსეთის ფედერაციის უშიშროების ფედერალური სამსახურის სასაზღვრო სამმართველოს რუსული ენის, რუსეთის კულტურისა და ისტორიის შესახებ სახელმძღვანელო-მეთოდური ლიტერატურა გადასცეს.
2019 წლის 9 თებერვალს ცხინვალის რეგიონში რუსეთის ფედერაციის „საელჩომ“ რუსეთის ფედერაციის დიპლომატიური სამსახურის თანამშრომლების დღესთან (10 თებერვალი) დაკავშირებით საზეიმო მიღება გამართა.
2019 წლის 9 თებერვალს აფხაზეთში, გუდაუთის რაიონის, სოფ. პრიმორსკისთან ავტოავარიის შედეგად რუსეთის სამხედრო ბაზის მოსამსახურე დაიღუპა.
2019 წლის 8 თებერვალს აფხაზეთში რუსეთის „ელჩმა“ ალექსეი დვინიანინმა (აფხაზეთში „ელჩის“ მოვალეობას 2018 წლის 30 მარტიდან ასრულებს) საინფორმაციო-სააგენტო „სპუტნიკ“-ში პრეს-კონფერენცია გამართა. დვინიანინმა სხვადასხვა მნიშვნელოვან საკითხზე ისაუბრა, მათ შორის:
აფხაზეთში რუსეთის მე-7 სამხედრო ბაზის მოტომსროლელმა დანაყოფებმა აერომობილური ჯგუფის შემადგენლობაში პირველად დაამუშავეს საკუთარი ქმედებები. დანაყოფებმა სადაზვერვო-სამძებრო საქმიანობა მთაგორიან ადგილებში განახორციელეს, იმ ინფორმაციაზე დაყრდნობით, რომელიც უპილოტო საფრენი აპარატების საშუალებით მიიღეს.
აფხაზეთის მთიანეთში, წებელდას სამხედრო პოლიგონზე სამხრეთის სამხედრო ოლქის ტოფოგრაფიული სამსახურის სპეციალისტებმა საველე პირობებში ადგილობრივი ტერიტორიის მოდელი-რუკები შექმნეს. სწავლების დროს სპეციალისტებმა თანამედროვე მოძრავი ციფრული ტოფოგრაფიული სისტემის (ПЦТС) გაშლისა და მისი პოზიციების შენიღბვაში ივარჯიშეს.
2019 წლის 8 თებერვალს, მოსკოვში, აფხაზეთის დე ფაქტო უშიშროების საბჭოს მდივანმა მუჰამედ კილბამ რუსეთის უშიშროების საბჭოს მდივან ნიკოლაი პატრუშევთან ხელი მოაწერა 2019-2020 წლებში უშიშროების საბჭოებს შორის თანამშრომლობის გეგმას.