10 აპრილს დაგეგმილ არალეგიტიმურ საპრეზიდენტო არჩევნებამდე ცხინვალს რუსეთის ფედერაციის დელეგაცია ესტუმრა. დელეგაციის წევრები არიან: ჩრდილოეთ ოსეთის მეთაური სერგეი მენიაილო, ყაბარდო-ბალყარეთის რესპუბლიკის ხელმძღვანელი ყაზბეკ კოკოვი, რუსეთის ფედერაციის სენატორი სერგეი კარელინი და სხვები, მათ შორის, რუსეთის სახელმწიფო დუმისა და რუსეთის ფედერაციის საბჭოს წარმომადგენლები.

ცხინვალს რუსეთის, ჩრდილოეთ ოსეთის რესპუბლიკა - ალანიას, დონეცკისა და ლუგანსკის თვითგამოცხადებული სახალხო რესპუბლიკების დელეგაციები ესტუმრნენ.

ცხინვალის რეგიონის დე ფაქტო პრეზიდენტი ანატოლი ბიბილოვი რუსეთის ომბუდსმენს, ტატიანა მოსკალკოვას შეხვდა. შეხვედრას ასევე ესწრებოდნენ „ადამიანის უფლებათა სფეროში სამხრეთ ოსეთის რესპუბლიკის პრეზიდენტის წარმომადგენელი“ ინალ ტასოევი და „სამხრეთ ოსეთის რესპუბლიკის საგანგებო და სრულუფლებიანი ელჩი რუსეთის ფედერაციაში“ ზნაურ გასიევი.

ჩრდილოეთ ოსეთის პარლამენტმა საიდუმლო კენჭისყრით ვლადიმერ პუტინის მიერ წარდგენილ სამ კანდიდატს შორის რეგიონის ხელმძღვანელად სერგეი მენიაილო აირჩია. აღსანიშნავია, რომ მენიაილო ჩრდილოეთ ოსეთის რესპუბლიკა - ალანიას მეთაურის მოვალეობის შემსრულებლის პოსტს აპრილიდან იკავებდა.

ცხინვალის რეგიონის დე ფაქტო პრეზიდენტმა ანატოლი ბიბილოვმა და ჩრდილოეთ ოსეთის ლიდერმა სერგეი მენიაილომ ბესლანის ტერაქტის მსხვერპლთა მემორიალური კომპლექსი - „ანგელოზთა ქალაქი“ ყვავილებით შეამკეს.

ცხინვალის რეგიონის დე ფაქტო პრეზიდენტი ანატოლი ბიბილოვი სანკტ-პეტერბურგში საერთაშორისო ეკონომიკურ ფორუმში (ПМЭФ) მონაწილეობდა. ფორუმი 2-5 ივნისს ჩატარდა. მასთან ერთად იმყოფებოდნენ დე ფაქტო პრემიერ-მინისტრი გენადი ბეკოევი, ვიცე-პრემიერი და ეკონომიკური განვითარების მინისტრი ძამბოლატ ტადტაევი, ფინანსთა მინისტრი აზა ხაბალოვა და ცხინვალის რეგიონის „ელჩი“ რუსეთში ზნაურ გასიევი.

ცხინვალის რეგიონის „პრეზიდენტმა“ ანატოლი ბიბილოვმა დე ფაქტო თავდაცვის სამინისტროს რუსეთის ფედერაციასთან უფრო მჭიდრო თანამშრომლობისკენ მოუწოდა. განცხადება მან უწყების 2020 წლის შემაჯამებელ სხდომაზე გააკეთა.

ცხინვალის რეგიონის დე ფაქტო პრეზიდენტი ანატოლი ბიბილოვი მოსკოვში ვიზიტის ფარგლებში ეკონომიკური განვითარების მინისტრის პირველ მოადგილეს მიხაილ ბაბიჩს (აფხაზეთისა და ცხინვალის რეგიონის კურატორი) და ფედერალური საბაჟო სამსახურის თავმჯდომარის მოადგილეს ვლადიმირ ივინს შეხვდა.

ცხინვალის რეგიონის დე ფაქტო პრეზიდენტი ანატოლი ბიბილოვი სამუშაო ვიზიტით რუსეთის ფედერაციაში გაემგზავრა. დე ფაქტო პრეზიდენტის წარმომადგენელის განცხადებით, ბიბილოვს მოსკოვში დაგეგმილი აქვს შეხვედრები რუსეთის მაღალჩინოსნებთან.

ცხინვალის რეგიონის დე ფაქტო ლიდერი ანატოლი ბიბილოვი 7 სექტემბერს რუსეთში სამუშაო ვიზიტით გაემგზავრა.

აფხაზეთისა და ცხინვალის რეგიონის დე ფაქტო ლიდერები, ასლან ბჟანია და ანატოლი ბიბილოვი, რუსეთის პრეზიდენტის ადმინისტრაციის უფროსის მოადგილეს, დიმიტრი კოზაკს შეხვდნენ.

2020 წლის 24 ივნისს აფხაზეთის დე ფაქტო პრეზიდენტმა ასლან ბჟანიამ და ცხინვალის რეგიონის დე ფაქტო პრეზიდენტმა ანატოლი ბიბილოვმა მონაწილეობა მიიღეს მოსკოვში დიდ სამამულო ომში გამარჯვების 75-ე წლისთავთან დაკავშირებით გამართულ საზეიმო აღლუმში. ვიზიტის ფარგლებში ბჟანია და ბიბილოვი კრემლის სასახლეში რუსეთის პრეზიდენტს ვლადიმერ პუტინსაც შეხვდნენ.

2020 წლის 13 მარტს ცხინვალის რეგიონის დე ფაქტო პრეზიდენტი ანატოლი ბიბილოვი რუსეთის ფედერაციის პრეზიდენტს ვლადიმერ პუტინს, მოსკოვში, კრემლში შეხვდა. შეხვედრაზე პუტინმა ორმხრივი ურთიერთობები დადებითად შეაფასა.

ცხინვალის რეგიონის დე ფაქტო პრეზიდენტი ანატოლი ბიბილოვი ოსი და რუსი სამხედროების ერთობლივ გეგმიურ სამეთაურო-საშტაბო წვრთნებს დაესწრო. მსგავს წვრთნებში პირველად მიიღეს მონაწილეობა რეზერვისტებმა.

რუსეთის ფედერაციის მიერ ოკუპირებულ ყირიმში ვიზიტისას ცხინვალის რეგიონის დე ფაქტო პრეზიდენტმა ანატოლი ბიბილოვმა ქ. სევასტოპოლის დე ფაქტო გუბერნატორთან ერთობლივი პროექტების განხორციელების შესაძლებლობა განიხილა.