ელბრუს კარგიევი
რუსეთის ფედერაციის „ელჩი“ ცხინვალის რეგიონში
ზოგადი ბიოგრაფიული ცნობები
- ელბრუს კარგიევი დაიბადა 1944 წლის 22 აგვისტოს ქ. ძაუჯიკაუში (ამჟამინდელი ქ. ვლადიკავკაზი), ჩრდილოეთ ოსეთის ასსრ-ში, საბჭოთა კავშირში.
- 1966 წელს ვლადიკავკაზში დაამთავრა ჩრდილოეთ კავკასიის სამთო-მეტალურგიული ინსტიტუტი. რამდენიმე წელი ამავე უნივერსიტეტში ლექციებს კითხულობდა, შემდეგ კი პრორექტორი იყო.
- 1987 წელს კარგიევმა მოსკოვში საბჭოთა კავშირის კომუნისტური პარტიის საზოგადოებრივ მეცნიერებათა აკადემია დაამთავრა.
- კარგიევი ტექნიკურ მეცნიერებათა კანდიდატი, დოცენტია.
- 2014 წელს კარგიევს მიენიჭა „სამხრეთ ოსეთის რესპუბლიკის“ მეგობრობის ორდენი. ასევე მინიჭებული აქვს „სამხრეთ ოსეთის რესპუბლიკის“ სხვა ჯილოდებიც.
პროფესიული კარიერა
- 1983-1988 წლებში ჩრდილოეთ ოსეთის ასსრ-ის საბჭოთა კავშირის კომუნისტური პარტიის საოლქო კომიტეტის განათლებისა და მეცნიერების განყოფილების ხელმძღვანელი იყო.
- 1988-1990 წლებში ჩრდილოეთ ოსეთის ასსრ-ის სახალხო განათლების მინისტრი იყო.
- 1990-1993 წლებში ჩრდილოეთ ოსეთის რესპუბლიკის მინისტრთა საბჭოს თავჯდომარის მოადგილე იყო.
დიპლომატიური კარიერა
- 1994 წელს კარგიევმა რუსეთის საგარეო საქმეთა სამინისტროში დაიწყო მუშაობა.
- 1994-1997 წლებში თურქმენეთში რუსეთის საელჩოში მრჩეველია.
- 1997-2000 წლებში თურქეთში რუსეთის საელჩოში პირველი მდივანი, მრჩეველია.
- 2001 წლის მარტში სამინისტროში ფედერაციის სუბიექტებთან, პარლამენტთან და საზოგადოებრივ ორგანიზაციებთან მუშაობის დეპარტამენტში განყოფილების უფროსად დაინიშნა.
- 2003-2004 წლებში კარგიევი, პირველი კლასის მრჩეველის დიპლომატიურ რანგში, თურქეთის ქ. ტრაპიზონში გენერალურ კონსულად დაინიშნა.
- 2004-2007 წლებში თურქეთში რუსეთის საელჩოში მრჩეველ-დესპანია.
- 2006 წლის თებერვალში კარგიევს მეორე კლასის საგანგებო და სრულუფლებიანი დესპანის დიპლომატიური რანგი მიენიჭა.
- 2007 წლის სექტემბრიდან 2008 წლის ოქტომბრამდე კარგიევი სამინისტროს დსთ-ის ქვეყნების მე-4 დეპარტამენტში მთავარი მრჩეველის თანამდებობაზე დაინიშნა. სამმართველოს პასუხისმგებლობაა სამხრეთ კავკასიის ქვეყნებთან ურთიერთობა. 2008 წლიდან დეპარტამენტი რუსეთის მიერ ოკუპირებულ საქართველოს რეგიონებსაც ფარავს.
- 2008 წლის 25 ოქტომბერს, რუსეთის მიერ ე.წ. „სამხრეთ ოსეთის რესპუბლიკის“ დამოუკიდებლობის აღიარების შემდეგ, რუსეთის პრეზიდენტის N1528 ბრძანებით კარგიევი ცხინვალში რუსეთის პირველ „ელჩად“ დაინიშნა.
- 2011 წელს მიენიჭა პირველი კლასის საგანგებო და სრულუფლებიანი დესპანის დიპლომატიური რანგი.
- 2017 წლის 23 მაისს კარგიევმა „ელჩის“ თანამდებობა დატოვა.
- კარგიევი 2020 წლის 11 იანვარს მოსკოვში გარდაიცვალა. იგი 15 იანვარს ვლადიკავკაზში დაკრძალეს.