ვიზიტების ქრონოლოგია

gfsis.org.ge

კრემლის პოლიტიკის გზამკვლევი აფხაზეთსა და ცხინვალის რეგიონში

English
ქართულად

Array ( [0] => Array ( [id] => 139 [name] => ვლადიმერ პუტინი [value] => 1 [slug] => putin.jpg ) [1] => Array ( [id] => 140 [name] => დიმიტრი მედვედევი [value] => 2 [slug] => medvedev.jpg ) [2] => Array ( [id] => 225 [name] => ვიაჩესლავ ვოლოდინი [value] => 4 [slug] => volodin1.jpg ) [3] => Array ( [id] => 138 [name] => სერგეი ლავროვი [value] => 3 [slug] => lavrov.jpg ) ) Array ( [0] => Array ( [id] => 8 [preson_id] => 3 [region] => 1 [date] => 2008-09-14 [title] => სერგეი ლავროვის ვიზიტი აფხაზეთში [content] =>

2008 წლის 14 სექტემბერს, 2008 წლის რუსეთ-საქართველოს აგვისტოს ომის დასრულებიდან მალე, რუსეთის ფედერაციის საგარეო საქმეთა მინისტრი სერგეი ლავროვი აფხაზეთს ესტუმრა. სოხუმის აეროპორტში ლავროვს აფხაზეთის დე ფაქტო ლიდერები: დე ფაქტო პრეზიდენტი სერგეი ბაღაფში, დე ფაქტო პარლამენტის სპიკერი ნუგზარ აშუბა, დე ფაქტო საგარეო საქმეთა მინისტრი სერგეი შამბა და დე ფაქტო მთავრობის სხვა წარმომადგენლები დახვდნენ.

2008 წლის 26 აგვისტოს რუსეთის მიერ აფხაზეთის დამოუკიდებლობის აღიარების შემდეგ ეს იყო ლავროვის პირველი აფხაზური ვიზიტი. მანამდე, 9 სექტემბერს, რუსეთსა და აფხაზეთს შორის დიპლომატიური ურთიერთობები დამყარდა.

ლავროვთან მოლაპარაკების ძირითადი თემა დიპლომატიური ურთიერთობების დამყარებასთან დაკავშირებული საკითხები და მეგობრობის, თანამშრომლობისა და ურთიერთდახმარების შესახებ შეთანხმების მომზადების საკითხი იყო. ლავროვის განცხადებით, „აფხაზეთსა და რუსეთს შორის ისეთივე გამჭვირვალე ურთიერთობა იქნება, როგორც ეს ევროკავშირის წევრ ქვეყნებს შორის არის“.

ვიზიტის დროს ლავროვმა აფხაზეთში რუსეთის მომავალი „საელჩოს“ მშენებლობისთვის სავარაუდო ადგილიც მოინახულა. იგი სოხუმში ასევე შეხვდა გაეროს გენერალური მდივნის წარმომადგენელსაც.

ლავროვის აფხაზეთსა და მეორე დღეს ცხინვალის რეგიონში ვიზიტის მთავარი შედეგი უახლოეს პერიოდში თანამშრომლობისა და ურთიერთდახმარების შესახებ საბაზისო შეთანხმების ხელმოწერის შესახებ განცხადების გაკეთება იყო. ლავროვმა ეკონომიკის, სოციალურ, სამხედრო, სასაზღვრო სფეროში თანაშრომლობის შესახებ შეთანხმებების მთელი სერიის ხელმოწერის შესახებაც განაცხადა.

ლავროვის პირველმა აფხაზურმა ვიზიტმა დიპლომატიური კუთხით მალე გამოიღო შედეგები. 2008 წლის 25 ოქტომბერს აფხაზეთში რუსეთის პირველი „ელჩი“ სემიონ გრიგორიევი დანიშნეს, რომელმაც რწმუნებათა სიგელი ბაღაფშს 2008 წლის 16 დეკემბერს გადასცა. 2009 წლის 9 თებერვალს აფხაზეთში რუსეთის „საელჩო“ ოფიციალურად დაფუძნდა. 2009 წლის 30 აპრილს კი, გრიგორიევი ხუთ თანამშრომელთან ერთად სოხუმში ჩავიდა და დიპლომატიურ საქმიანობას შეუდგა. რუსეთის „საელჩო“ დროებით დსთ–ს სამშვიდობო ძალების ყოფილ შტაბში განთავსდა, სანატორიუმ „სუხუმ“–ის ტერიტორიაზე. „საელჩოს“ ახალი შენობა კი, 2017 წლის 18 აპრილს გაიხსნა, რომელსაც ლავროვი პირადად დაესწრო.

[pic] => files/kremlin/visits/lavrov.jpg ) [1] => Array ( [id] => 9 [preson_id] => 3 [region] => 2 [date] => 2008-09-15 [title] => სერგეი ლავროვის ვიზიტი ცხინვალის რეგიონში [content] =>

2008 წლის 15 სექტემბერს, 2008 წლის რუსეთ-საქართველოს აგვისტოს ომის დასრულებიდან მალე, რუსეთის ფედერაციის საგარეო საქმეთა მინისტრი სერგეი ლავროვი ცხინვალის რეგიონს ესტუმრა. 2008 წლის 26 აგვისტოს რუსეთის მიერ ცხინვალის რეგიონის დამოუკიდებლობის აღიარების შემდეგ ეს იყო ლავროვის პირველი ვიზიტი ცხინვალში. მანამდე, 9 სექტემბერს, რუსეთსა და ცხინვალის რეგიონს შორის დიპლომატიური ურთიერთობები დამყარდა.

ლავროვი ცხინვალში სოხუმიდან ჩავიდა და მისი ვიზიტი რამდენიმე საათს გაგრძელდა. რუსეთის დელეგაციაში ლავროვის მოადგილე, პოსტსაბჭოთა ქვეყნების კურატორი, გრიგორი კარასინი, საგარეო საქმეთა სამინისტროს დსთ-ის ქვენების მეოთხე დეპარტამენტის დირექტორი ანდრეი კელინი, სამინისტროს ოფიციალური წარმომადგენელი ანდრეი ნესტერენკო და საგანგებო დავალებათა ელჩი იური პოპოვი შედიოდნენ.

ლავროვი ცხინვალის რეგიონის დე ფაქტო ლიდერს ედუარდ კოკოითს შეხვდა, რომელთანაც ცხინვალში რუსეთის ფედერაციის საელჩოს გახსნის საკითხი განიხილა. კოკოითიმ მოლაპარაკების დაწყებამდე ლავროვს მთავრობის სახლში მცირე ექსკურსია მოუწყო. მოლაპარაკებები შეხვედრების ოთახში, მერვე სართულზე გაიმართა, რომელიც ომის შედეგად ყველაზე ნაკლებად დაზიანდა. შეხვედრა დახურულ რეჟიმში გაიმართა. კოკოითის გარდა, ლავროვი 2008 წლის აგვისტოს ომამდე შერეული სამშვიდობო ძალების მეთაურს მარატ კულახმეტოვს და თბილისიდან ჩამოსულ ეუთო-ს მისიის ხელმძღვანელს შეხვდა.

ლავროვმა ცხინვალში ვიზიტის დროს არაერთი განცხადება გააკეთა:

რუსეთი და ცხინვალის რეგიონი, როგორც მოკავშირე სახელმწიფოები, ისეთი ურთიერთობის ჩამოყალიბებას აპირებენ.
ცხინვალის რეგიონის ქართულ ანკლავებში კონფლიქტამდე მოეწყო საცეცხლე წერტილები ტრანსკავკასიური ავტომაგისტრალის დასაცხრილად. სამხედრო მოქმედებების დაწყებიდან რამდენიმე დღით ადრე ქართული ანკლავების სოფლები დატოვეს ქალებმა და ბავშვებმა. არის ეჭვი, რომ იქ დარჩენილი მამაკაცები იარაღდებოდნენ. არსებობს ფაქტები, რომელიც ადასტურებს, რომ ამ ანკლავების შიგნით ცეცხლის გახსნის მიზნით გამაგრებულ ადგილებს აწყობდნენ.
საომარი მოქმედებების დროს ორივე მხარე ზედმეტ მოქმედებებს მიმართავდა, მაგრამ ეს იყო საომარი მოქმედებები და ყველა მხარეს აქვს თავისი სიმართლე (განაცხადა ლავროვმა ცხინვალის რეგიონში ქართული ანკლავების ნგრევის შესახებ).
მოსკოვს აქვს ინფორმაცია, რომ საქართველო აფხაზეთისა და ცხინვალის რეგიონის მიმართ ტერაქტებსა და პროვოკაციებს აპირებს. ზოგიერთი მონაცემებით, რამდენიმე ხნის წინათ საქართველოს ციხეებიდან რამდენიმე ასეული ბანდიტი გამოუშვეს, მსგავსი პროვოკაციებისა და ტერაქტების მოწყობის ვალდებულებით.

ცხინვალში რუსეთის „საელჩოს“ თანამშრომლების განთავსების შესახებ ლავროვმა განაცხადა, რომ მოსკოვი ნახავს რაიმე შესაძლებლობას თანამშრომლები დროებით განათავსოს ისე, რომ ცხინვალის რეგიონის მოსახლეობა არ დაზარალდეს. მისი თქმით, ცხინვალის რეგიონში რუსეთის „საელჩოს“ ორგანიზება უფრო რთული იქნება, ვიდრე აფხაზეთში.

ლავროვის აფხაზეთსა და ცხინვალის რეგიონში ორდღიანი ვიზიტის მთავარი შედეგი უახლოეს პერიოდში თანამშრომლობისა და ურთიერთდახმარების შესახებ საბაზისო შეთანხმების ხელმოწერის შესახებ განცხადების გაკეთება იყო. ლავროვმა ეკონომიკის, სოციალურ, სამხედრო, სასაზღვრო სფეროში თანაშრომლობის შესახებ შეთანხმებების მთელი სერიის ხელმოწერის შესახებაც განაცხადა.

ლავროვის პირველმა ვიზიტმა ცხინვალის რეგიონში დიპლომატიური კუთხით მალე გამოიღო შედეგები. ცხინვალის რეგიონში რუსეთის პირველი „ელჩი“ ელბრუს კარგიევი 2008 წლის 25 სექტემბერს დაინიშნა. რუსეთის „საელჩომ“ ცხინვალში საქმიანობა კი, 2009 წლის აპრილში დაიწყო.

[pic] => files/kremlin/visits/lavrov.jpg ) [2] => Array ( [id] => 6 [preson_id] => 2 [region] => 2 [date] => 2009-07-13 [title] => დიმიტრი მედვედევის ვიზიტი ცხინვალის რეგიონში [content] =>

2009 წლის 13 ივლისს რუსეთის ფედერაციის პრეზიდენტი დიმიტრი მედვედევი 2008 წლის რუსეთ-საქართველოს ომის შემდეგ პირველად ეწვია ცხინვალს. იგი ჩრდილოეთ ოსეთიდან, მოზდოკის სამხედრო აეროპორტიდან, ცხინვალში ვერტმფრენით ჩაფრინდა. მედვედევს ცხინვალში ათასობით მხარდაჭერი ოვაციით შეხვდა. მედვედევის ვიზიტი სიუპრიზი იყო არა მარტო მოსახლეობისათვის, არამედ ოსი ჩინოვნიკებისთვისაც, მათ შორის დე ფაქტო პრეზიდენტ ედუარდ კოკოითისთვისაც.

ვიზიტის კონტექსტი

მედვედევის ცხინვალში ვიზიტამდე ერთი კვირით ადრე აშშ-ის პრეზიდენტი ბარაკ ობამა მოსკოვში იმყოფებოდა, სადაც ისტორიული გადატვირთვის პოლიტიკის დაწყების შესახებ განაცხადეს. 7 ივლისს, მოსკოვში, რუსეთის ეკონომიკის სკოლაში გამოსვლისას ობამამ განაცხადა, რომ აშშ მხარს უჭერს საქართველოს ტერიტორიულ მთლიანობას. ობამას განცხადების საპირწონედ მედვედევის ცხინვალში ვიზიტით კრემლი იმის დემონსტრირებას შეეცადა, რომ გადატვირთვის პოლიტიკა არ გულისხმობს პოსტსაბჭოთა სივრცეში გავლენის სფეროს დათმობას. გარდა ამისა, ოკუპირებულ რეგიონებში გაჩნდა ეჭვი, რომ რუსეთ-აშშ-ის ურთიერთობის დათბობის ხარჯზე რუსეთის ინტერესი ცხინვალის რეგიონის მიმართ შესუსტდებოდა.

საინტერესოა, რომ მედვედევის ცხინვალში ვიზიტი დროში რამდენიმე მოვლენას დაემთხვა: 20-24 ივლისს აშშ-ის ვიცე-პრეზიდენტს ჯო ბაიდენს დაგეგმილი ჰქონდა ვიზიტი საქართველოსა და უკრაინაში; 14 ივლისს ბათუმის პორტში „U.S.S. Stout“ შემოვიდა ქართულ-ამერიკულ ერთობლივ საზღვაო წვრთნაში მონაწილეობის მისაღებად. გარდა ამისა, ამავე დღეს, ანკარაში ხელი მოეწერა „ნაბუკო“-ს მილსადენის პროექტს, რომელიც კასპიური რესურსების რუსეთის გვერდის ავლით ტრანსპორტირებას ისახავდა მიზნად. სამხედრო სფეროში

თანამშრომლობა

მედვედევი ცხინვალში ვიზიტის დროს ახალ აშენებულ რუსეთის მე-4 სამხედრო ბაზას ესტუმრა. სამხედრო ბაზაზე მედვედევის მასპინძელი ჩრდილოეთ კავკასიის სამხედრო ოლქის მეთაური, გენერალ-პოლკოვნიკი სერგეი მაკაროვი იყო, რომელიც საქართველოსთან ომში რუსეთის ჯარებს ხელმძღვანელობდა. მედვედევს ვიზიტის დროს თავდაცვის მინისტრი ანატოლი სერდიუკოვიც ახლდა.

კოკოითთან შეხვედრაზე მედვედევმა ოსურ მხარეს ეკონომიკური და სამხედრო დახმარება აღუთქვა. „ჩვენ პროექტების მთელი სერია გვაქვს ეკონომიკისა და რესპუბლიკის სოციალური სფეროს ასაღორძინებლად, ასევე არის საჭიროება თავდაცვის სფეროში მხარდაჭერის და თანამშრომლობის“, განაცხადა მედვედევმა.

ცხინვალის რეგიონის დახმარება გაგრძელდება

მედვედევის ხანმოკლე ვიზიტის დროს რაიმე შეთანხმებაზე ხელის მოწერა არ მომხდარა. ვიზიტისას მედვედევმა ხაზი გაუსვა, რომ რუსეთი გააგრძელებს ცხინვალის რეგიონის რეკონსტრუქციის დაფინანსებას, მიუხედავად იმისა, რომ იგი ხედავს, რომ რუსი გადამხდელების ფული ჰაერში გაქრა, რადგან ქალაქის დიდი ნაწილი კვლავ ნანგრევებშია.

კოკოითთან შეხვედრაზე მედვედევმა ასევე ისაუბრა ორმხრივი ურთიერთობის განვითარებაზე, ომის შემდეგ აღდგენით სამუშაოებზე და სხვადასხვა სფეროში სახელმწიფოთაშორის თანამშრომლობაზე.

მედვედევმა ცხინვალში ქართულ-ოსურ კონფლიქტში დაღუპულთა მემორიალს მიაგო პატივი და გაცნობითი შეხვედრები გამართა ქალაქის სხვადასხვა რაიონებში. მან ომის დროს დაზიანებული პარლამენტის შენობა და N5 საჯარო სკოლაც დაათვალიერა.

მედვედევის ვიზიტის დასასრულს, კრემლის ოფიციალური განცხადებით მედვედევის სამუშაო ვიზიტის დროს „ცხინვალის რეგიონის სოციალურ-ეკონომიკური რეაბილიტაციის პროექტების ერთობლივად განხორციელების საკითხები განიხილეს“.

მედვედევის ცხინვალში ვიზიტიდან ერთ თვეში, 2009 წლის 12 აგვისტოს, რუსეთის ფედერაციის პრემიერ-მინისტრი ვლადიმერ პუტინი აფხაზეთს ესტუმრა.

[pic] => files/kremlin/visits/2_1_Medvedev-2009.jpg ) [3] => Array ( [id] => 1 [preson_id] => 1 [region] => 1 [date] => 2009-08-12 [title] => ვლადიმირ პუტინის ვიზიტი აფხაზეთში [content] =>

2009 წლის 12 აგვისტოს რუსეთის ფედერაციის პრემიერ-მინისტრი ვლადიმერ პუტინი 2008 წლის რუსეთ-საქართველოს ომის შემდეგ პირველად ეწვია აფხაზეთს. პუტინი სოჭში ისვენებდა, როდესაც მოულოდნელად შეწყვიტა არდადეგები და ხანმოკლე ვიზიტით სოხუმში ჩავიდა. ერთი თვით ადრე, 2009 წლის 13 ივლისს, ომის შემდეგ ცხინვალის რეგიონში ასევე პირველად იმყოფებოდა რუსეთის პრეზიდენტი დიმიტრი მედვედევიც.

პუტინმა თავისი პირველი აფხაზური ვიზიტი საქართველოსა და საერთაშორისო საზოგადოების მიმართ პოლიტიკური გზავნილების გასაჟღერებლად გამოიყენა. მან ვიზიტი 1992-1993 წლების ქართულ-აფხაზურ დაპირისპირებაში დაღუპულთა მემორიალის მონახულებით დაიწყო. ვიზიტის ფარგლებში პუტინმა შეხვედრა გამართა აფხაზეთის დე ფაქტო პრეზიდენტ სერგეი ბაღაფშთან, რომლის შემდეგაც რუსულ და აფხაზურ მხარეებს შორის გაფართოებული შემადგენლობით მოლაპარაკებები გაიმართა. პუტინს ასევე შეხვედრა ჰქონდა ბაღაფშის ოპოზიციასთანაც. ოფიციალური პროგრამის დასრულების შემდეგ პუტინი აფხაზეთის უხუცესებს შეხვდა.

უსაფრთხოების სფერო - საზღვრის დაცვის გაძლიერება

უსაფრთხოების სფერო პუტინის ვიზიტის წინა პერიოდში მის მიერ აფხაზური მედიისთვის მიცემულ ინტერვიუშიც წამყვანი საკითხი იყო. ვიზიტამდე პუტინმა განაცხადა, რომ რუსეთი აფხაზეთში უსაფრთხოების სფეროში პოზიციების გაძლიერებას გეგმავს: „რუსეთი განალაგებს აფხაზეთში სამხედრო ძალებს. ჩვენ ავაშენებთ თანამედროვე სასაზღვრო დაცვის სისტემას. ყველა ეს ღონისძიება დამატებითი სერიოზული უსაფრთხოების გარანტია იქნება აფხაზეთისა და ცხინვალის რეგიონისთვის. ყველაფერი ეს 15-16 მლრდ რუსული რუბლი (463 მლნ აშშ დოლარი) დაჯდება“. პუტინის შეფასებით, იგი არ გამორიცხავს ახალ კონფლიქტს დაძაბულ კავკასიის რეგიონში მანამ, სანამ საქართველოს პრეზიდენტი მიხეილ სააკაშვილი ხელისუფლებაში რჩებოდა. თუმცა, მისი განცხადებით, საქართველოს ნებისმიერი მცდელობა ძალა გამოიყენოს აფხაზეთისა და ცხინვალის რეგიონის მიმართ 2008 წლის ომის შემდეგ „გაცილებით რთული იქნება“.

პუტინმა აფხაზურ მხარესთან შეხვედრის დროს რუსეთ-საქართველოს ომიდან ერთი წლის თავზე აფხაზეთის უსაფრთხოების გაძლიერება პრიორიტეტულ მიმართულებად დაასახელა. მისი განცხადებით, რუსეთი 500 მლნ აშშ დოლარს დახარჯავს აფხაზეთში რუსეთის სამხედრო ყოფნის გასაძლიერებლად. მისი თქმით, ფული აფხაზეთში რუსეთის სამხედრო ბაზების გაძლიერებას და საქართველოსთან დე ფაქტო ადმინისტრაციული საზღვრის უსაფრთხოების გაძლიერებას მოხმარდება.

პუტინმა ერთ-ერთ პრიორიტეტად საზღვრის გამაგრება დაასახელა. ამ ვიზიტით დადასტურდა, რომ რუსეთი აღარ გაზრდიდა აფხაზეთში რუსულ სამხედრო კონტიგენტს. ამის შესახებ პუტინის დელეგაციის წევრმა, თავდაცვის მინისტრმა ანატოლი სერდიუკოვმა განაცხადა. მისი თქმით, „აფხაზეთში სამხედროების რაოდენობა არ გაიზრდება და 3 636 კაცი, რომლებმაც უნდა იმსახურონ ბაზაზე, საკმარისია“.

სოციალურ-ეკონომიკური სფერო - დახმარება გაგრძელდება

ვიზიტის ფარგლებში პუტინმა სოციალურ-ეკონომიკურ საკითხებზეც გაამახვილა ყურადღება. იგი აფხაზებს დაპირდა, რომ გააგრძელებდა მათთვის პენსიების გადახდას, უზრუნველყოფდა კაპიტალს აფხაზური ეკონომიკის ასაღორძინებლად. პუტინის განცხადებით, 2009 წელს რუსეთმა, ფინანსური კრიზისის მიუხედავად, აფხაზეთს საბიუჯეტო მხარდაჭერის სახით 80 მლნ აშშ დოლარი გამოუყო. პუტინის დელეგაციის წევრმა, რუსული ნავთობ კომპანიის „როსნეფტის“ პრეზიდენტმა განაცხადა, რომ კომპანია აფხაზეთს ნავთობის საბადოების აღმოჩენასა და განვითარებაშიც დაეხმარებოდა.

პუტინის განცხადებით, შემდგომ წელს განსაკუთრებული მნიშვნელობა მიენიჭება აფხაზეთის უსაფრთხოებისა და სოციალურ-ეკონომიკური განვითარების უზრუნველყოფას, რისთვისაც 2010-2011 წლებისათვის 11 მლრდ რუბლი გამოიყოფა. პუტინის თქმით, გამოყოფილი რესურსები ინფრასტრუქტურის, კავშირგაბმულობის, ტრანსპორტის, ჯანდაცვისა და განათლების ობიექტებს მოხმარდება. საინტერესოა, რომ პუტინმა რესურსების გამოყოფის შესახებ განცხადება არა ბაღაფშთან მოლაპარაკების დროს, არამედ აფხაზურ ოპოზიციასთან შეხვედრისას განაცხადა, რომელსაც ყოფილი ვიცე-პრეზიდენტი რაულ ხაჯიმბაც ესწრებოდა. ხაჯიმბას წინა არალეგიტიმურ საპრეზიდენტო არჩევნებში პირადად პუტინი უჭერდა მხარს.

აღიარების საკითხი

პუტინმა პრეს-კონფერენციაზე აფხაზეთის საერთაშორისო აღიარებას დიდი მნიშვნელობა არ მიანიჭა და განაცხადა, რომ აფხაზეთს არ ჭირდება სხვა ქვეყნების მხრიდან აღიარება, გარდა რუსეთისა. პუტინის მსგავსი განცხადება იმ ფონზე გაკეთდა, როდესაც აფხაზეთი მზადყოფნას გამოთქვამდა პოლიტიკური და ეკონომიკური თანამშრომლობა რუსეთის გარდა სხვა ქვეყნებთანაც განევითარებინა, პირველ რიგში, თურქეთთან, სადაც აფხაზური დიასპორა ცხოვრობს.

პუტინმა ასევე განაცხადა, რომ მსოფლიოს აზრი 2008 წლის შემდეგ რუსეთის სასარგებლოდ შეიცვალა და „პრაქტიკულად მთელმა საერთაშორისო საზოგადოებამ“ აღიარა, რომ საქართველო აგრესორი იყო კონფლიქტში.

ტყუპი ბიჭები - ვალოდია და დიმიტრი

ვიზიტის ფარგლებში პუტინი ბაღაფშთან ერთად სოხუმში ახალ გახსნილ სამშობიარო სახლსაც ესტუმრა, სამშობიაროს მთავარმა ექიმმა ლიანა აჩბამ სტუმრებს განუცხადა, რომ მათი მოსვლიდან ორი წუთით ადრე ახალგაზრდა ქალბატონს შეეძინა ორი ტყუპი ბიჭი, რომლებსაც დედისა და სამშობიარო სახლის კოლექტივის ერთობლივი გადაწყვეტილებით ვალოდია და დიმიტრი დაარქვეს (ვლადიმერ პუტინისა და დიმიტრი მედვედევის საპატივსაცემოდ).

აფეთქება სოხუმში

პუტინის აფხაზეთში ვიზიტის დღეს სოხუმსა და გაგრაში აფეთქება მოხდა, რის შედეგადაც ორი ადამიანი დაიღუპა. აფხაზურმა მხარემ აფეთქების ორგანიზატორად ქართული სპეცსამსახურები დაასახელა, რომელიც აფხაზეთის გენერალური პროკურორის პირველი მოადგილის განცხადებით, ვერ ურიგდება აფხაზეთის დამოუკიდებელ სახელმწიფოდ აღიარებას და პუტინის აფხაზეთში ვიზიტს.

[pic] => files/kremlin/visits/1_1_Putin_in_Abkhazia-20091.jpg ) [4] => Array ( [id] => 10 [preson_id] => 3 [region] => 1 [date] => 2009-10-02 [title] => სერგეი ლავროვის ვიზიტი აფხაზეთში [content] =>

2009 წლის 2-3 ოქტომბერს, რუსეთის ფედერაციის საგარეო საქმეთა მინისტრი სერგეი ლავროვი აფხაზეთს ესტუმრა. 2008 წლის 26 აგვისტოს რუსეთის მიერ აფხაზეთის დამოუკიდებლობის აღიარების შემდეგ ეს იყო ლავროვის მეორე აფხაზური ვიზიტი, პირველი 2008 წლის 14 სექტემბერს შედგა.

ვიზიტის ფარგლებში ლავროვი აფხაზეთის დე ფაქტო პრეზიდენტს სერგეი ბაღაფშს და დე ფაქტო საგარეო საქმეთა მინისტრს, სერგეი შამბას შეხვდა. ლავროვის ვიზიტი აფხაზეთში 2008 წლის რუსეთ-საქართველოს ომის გამომწვევი მიზეზების შესახებ ევროკავშირის შემსწავლელი კომისიის ანგარიშის გამოქვეყნებიდან ორ დღეში შედგა.

ლავროვის ვიზიტის მთავარი მიღწევა რუსეთსა და აფხაზეთს შორის უვიზო მიმოსვლის შესახებ შეთანხმების ხელმოწერა იყო. ლავროვმა შამბასთან ხელი მოაწერა შეთანხმებას 90 დღემდე აფხაზეთისა და რუსეთის მოქალაქეების უვიზო მიმოსვლის შესახებ. ლავროვის განცხადებით, შეთანხმება აფხაზეთისა და რუსეთის საზღვრის გადალახვის შესაძლებლობას შექმნის არა მარტო დიპლომატიური, სამსახურეობრივი და საზღვარგარეთის პასპორტებით, არამედ რუსეთისა და აფხაზეთის შიდა პასპორტებითაც. ლავროვის განცხადებით, საზღვრის გადალახვის გასამარტივებლად სასაზღვრო გამშვები პუნქტი ტექნიკურად გაიმართება და ახალი ხიდიც აშენდება.

შამბასთან შეხვედრაზე ლავროვმა ტვირთების გაცილების შესახებ შეთანხმების მიღწევის შესახებაც განაცხადა. ლავროვის თქმით, შესაძლებელია ნეიტრალური წყლებიდან აფხაზეთის მიმართულებით ტვირთების ისეთი ფორმით ტრანსპორტირების უზრუნველყოფა, რომელიც ქართული პროვოკოკაციის განმეორებას არ დაუშვებს. ლავროვის განცხადებით, აღნიშნული საკითხის აქტუალობა იმით არის განპირობებული, რომ საქართველო აფხაზეთის სანაპიროს მიმდებარე წყლებს საკუთარ ტერიტორიულ წყლებად განიხილავს და ოფიციალური თბილისის სანქციის გარეშე აფხაზეთის პორტებში მიმავალ გემებს აკავებს.

აფხაზეთში ვიზიტის ფარგლებში ლავროვს მედიაში გავრცელებული ინფორმაციის უარყოფაც მოუწია. თურქულ მედიაში გასული ინფორმაციით, რუსეთმა შეიძლება ჩრდილოეთ კვიპროსის თურქული რესპუბლიკა აღიაროს ანკარას მიერ აფხაზეთისა და ცხინვალის რეგიონის დამოუკიდებელ სახელმწიფოებად აღიარების სანაცვლოდ. თურქული მედიის ცნობით, მხარეების მიერ მსგავსი შეთანხმების მიღწევის შესაძლებლობა განიხილება. ლავროვმა უარყო მსგავსი შეთანხმების მიღწევის შესაძლებლობა. ლავროვის განცხადებით, რუსეთი არ აღიარებს ჩრდილოეთ კვიპროსს თურქეთის მიერ აფხაზეთის აღიარების სანაცვლოდ, „ჩვენ არ ვემხრობით მსგავს გაცვლებს ლოგიკით, შენ - მე, მე - შენ. ეს სრულიად განსხვავებული ისტორიებია. რაიმე სახის ვაჭრობა აქ მიუღებელია“, განაცხადა მინისტრმა. ლავროვის შეფასებით, ორივე შემთხვევა ძირეულად განსხვავებულია, როგორც ისტორიულად, ასევე საერთაშორისო სამართლის თვალსაზრისით. მისი თქმით, აფხაზეთი ერთ დროს საბჭოთა კავშირის რესპუბლიკა იყო და მაშინ როდესაც საქართველოს პრეზიდენტმა მიხეილ სააკაშვილმა წარუმატებლად სცადა 2004 წლის შემდეგ ცხინვალის რეგიონი საქართველოს ცენტრალური მთავრობის გავლენის ქვეშ დაებრუნებინა, საბერძნეთს არასოდეს უცდია მსგავსი სამხედრო ქმედება ჩრდილოეთ კვიპროსის წინააღმდეგ.

ვიზიტის დროს მნიშვნელოვანი განცხადება გაკეთდა აფხაზეთისთვის რუსეთის საერთაშორისო სატელეფონო კოდზე გადასვლის შესახებ. ლავროვის განცხადებით, აფხაზეთი საქართველოს სატელეფონო კოდის მაგივრად რუსეთის +7 საერთაშორისო სატელეფონი კოდის გამოყენებას დაიწყებს. ლავროვის თქმით, რუსეთი გააგრძელებს მუშაობას საერთაშორისო ორგანიზაციებთან აფხაზეთისთვის ცალკე კოდის მინიჭების შესახებ.

ლავროვის აფხაზეთში ვიზიტის ფარგლებში ჟენევის დისკუსიების ბოლო რაუნდის შედეგების თაობაზე რუსულმა და აფხაზურმა მხარეებმა მოსაზრებებიც გაცვალეს.

ლავროვი ბაღაფშთან და შამბასთან შეხვედრის შემდეგ რუსეთის უშიშროების სამსახურის სასაზღვრო სამსახურისა და რუსეთის მე-7 სამხედრო ბაზის თანამშრომლებსაც შეხვდა. გარდა ამისა, ლავროვი აფხაზეთის სახელმწიფო უნივერსიტეტეში პროფესორ-მასწავლებლებს და სტუდენტებსაც შეხვდა, სადაც იგი სიტყვით გამოვიდა და შეკითხვებსაც უპასუხა.

[pic] => files/kremlin/visits/lavrov.jpg ) [5] => Array ( [id] => 5 [preson_id] => 2 [region] => 1 [date] => 2010-08-08 [title] => დიმიტრი მედვედევის ვიზიტი აფხაზეთში [content] =>

2010 წლის 8 აგვისტოს, რუსეთ-საქართველოს ომის ორი წლისთავზე რუსეთის ფედერაციის პრეზიდენტი დიმიტრი მედვედევი აფხაზეთს მოულოდნელად ესტუმრა. ეს რუსეთ-საქართველოს ომის შემდეგ აფხაზეთში მისი პირველი ვიზიტი იყო. ასევე ეს იყო რუსეთის პრეზიდენტის პირველი ვიზიტი აფხაზეთში, მანამდე, 2009 წელს, აფხაზეთში ვლადიმერ პუტინი პრემიერ-მინისტრის რანგში იმყოფებოდა.

მედვედევი ვიზიტის ფარგლებში აფხაზეთის დე ფაქტო პრეზიდენტს სერგეი ბაღაფშს შეხვდა, რომელსაც პოლიტიკის, ეკონომიკისა და უსაფრთხოების სფეროში ურთიერთობების სრულ განვითარებას დაპირდა. მან გუდაუთაში რუსული სამხედრო ბაზაც დაათვალიერა.

ვიზიტის დროს მედვედევმა განაცხადა, რომ „მიუხედავად დასავლეთელი პოლიტიკოსების განცხადებებისა და საუბრებისა 2008 წლის აგვისტოს ომის მიზეზებზე, არის რეალური ფაქტები, რომელიც წარმოადგინა რუსულმა, აფხაზურმა და სამხრეთ ოსეთის მხარემ, რომელიც თავის მხრივ აისახა ჰაიდი ტალიავინის ანგარიშში, რომელიც ევროკავშირის კომისიას ხელმძღვანელობდა აგვისტოს მოვლენების გამოძიების კუთხით“.

ოფიციალური შეხვედრის შემდეგ მედვედევმა და ბაღაფშმა ყავა დალიეს სოხუმის ცნობილ ადგილას, „ბრეხალოვკაზე“, ლეგენდარულ კაფე «У Акопа»-ში, სადაც მედვედევი ადგილობრივებსა და ტურისტებს გაესაუბრა. ამის შემდეგ მედვედევმა ქალაქის ცენტრში გაისეირნა და ის სახელმწიფო ობიექტები დაათვალიერა, რომელიც რუსული დაფინანსებით აშენდა, მათ შორის სახელმწიფო ფილარმონია და ალექსანდრე პუშკინის სახელობის სკოლა. ვიზიტის დასასრულს მედვედევმა დიდების პარკში პატივი მიაგო 1992-1993 წლების ქართულ-აფხაზურ დაპირისპირებაში დაღუპულთა ხსოვნას.

[pic] => files/kremlin/visits/2_2_Medvedev_2010.jpg ) [6] => Array ( [id] => 11 [preson_id] => 3 [region] => 2 [date] => 2011-04-25 [title] => სერგეი ლავროვის ვიზიტი ცხინვალის რეგიონში [content] =>

2011 წლის 25 აპრილს, რუსეთის ფედერაციის საგარეო საქმეთა მინისტრი სერგეი ლავროვი ცხინვალის რეგიონს ესტუმრა. ერთი დღის შემდეგ კი, იგი სოხუმს ეწვია. ლავროვის ვიზიტი დაგეგმილი იყო და მის დელეგაციაში შედიოდნენ ჩრდილოეთ ოსეთის რესპუბლიკა-ალანიას მეთაური ტაიმურაზ მამსუროვი, საგარეო საქმეთა მინისტრის მოადგილე გრიგორი კარასინი, სამინისტროს დსთ-ის მე-4 დეპარტამენტის დიერქტორი ანდრეი კელინი და ცხინვალის რეგიონში რუსეთის „ელჩი“ ელბრუს კარგიევი.

ცხინვალის რეგიონის დე ფაქტო ლიდერებთან შეხვედრის შემდეგ ლავროვს „ღირსების ორდენი“ გადასცეს, რასაც საგარეო საქმეთა მინისტრების დონეზე ორმხრივი შეთანხმებების ხელმოწერა მოჰყვა: საინფორმაციო-კულტურული ცენტრების დაფუძნებისა და საქმიანობის პირობების შესახებ, უვიზო მიმოსვლის შესახებ სამთავრობო შეთანხმების ძალაში შესვლის შიდასახელმწიფოებრივი პროცედურის დასრულების შესახებ ნოტების გაცვლის შესახებ (ამ დღიდან უვიზო მიმოსვლა დაიწყო), ტრანსპორტის სფეროში თანამშრომლობის პრინციპების შესახებ, საავიაციო ძებნისა და სამაშველო სფეროში თანამშრომლობის შესახებ.

ლავროვი ჟენევის დისკუსიების საკითხსაც შეეხო და ცხინვალს საერთაშორისო საქმეებში და სახელმწიფოებრიობის გამყარებაში ყოველმხრივი დახმარება აღუთქვა. ვიზიტის დროს ლავროვმა განაცხადა, რომ მოსკოვისთვის პრიორიტეტია, რომ არაღიარებული რესპუბლიკების წინააღმდეგ ძალის გამოუყენებლობის გარანტია უზრუნველყოს.

ლავრომა 2008 წლის აგვისტოს ომზე პასუხისმგებლობა საქართველოს დააკისრა. მისი თქმით, რუსეთი არ ითხოვს კონტრიბუციას, მაგრამ აპირებს აღადგინოს სამართლიანობა და ეს გაკეთდება საერთაშორისო სამართლის საფუძველზე. ლავროვის განცხადებით, რუსეთმა მხარი დაუჭირა ცხინვალის რეგიონის მოქალაქეების მიმართვას ადამიანის უფლებათა ევროპულ სასამართლოში და რუსეთი მათ გაუწევს კონსულტაციას, სამართლებერივ და ექსპერტულ დახმარებას.

[pic] => files/kremlin/visits/3_4_Lavrov_meet_Kokoiti-2011-photo_mfa-rso.jpg ) [7] => Array ( [id] => 12 [preson_id] => 3 [region] => 1 [date] => 2011-04-26 [title] => სერგეი ლავროვის ვიზიტი აფხაზეთში [content] =>

2011 წლის 26 აპრილს, რუსეთის ფედერაციის საგარეო საქმეთა მინისტრი სერგეი ლავროვი აფხაზეთს ესტუმრა. ერთი დღით ადრე ლავროვი ცხინვალის რეგიონში იმყოფებოდა. ვიზიტის დასაწყისში ლავრომა აფხაზეთის დე ფაქტო პრემიერ-მინისტრთან სერგეი შამბასთან ერთად დიდების მემორიალთან პატივი მიაგო ქართულ-აფხაზურ დაპირისპირებაში დაღუპულთა ხსოვნას, საიდანაც ფეხით გაემართა დე ფაქტო პრეზიდენტის ადმინისტრაციის შენობისაკენ, სადაც ჯერ დე ფაქტო პრეზიდენტს სერგეი ბაღაფშს შეხვდა, შემდეგ კი გაფართოებულ ფორმატში დე ფაქტო მთავრობის წევრებს.

ვიზიტის ფარგლებში ხელი მოეწერა სამთავრობათაშორისო შეთანხმებას აფხაზეთისა და რუსეთის საინფორმაციო-კულტურული ცენტრების დაფუძნებისა და საქმიანობის პირობების შესახებ. ლავროვმა შამბასთან გაცვალა ნოტები აფხაზეთისა და რუსეთის მოქალაქეების უვიზო მიმოსვლის შესახებ ორმხრივი შეთანხმების შიდასახელმწიფოებრივი პროცედურების შესრულების შესახებ. ამავე დღეს ლავროვმა შამბა რუსეთის ფედერაციის სამკერდე ნიშნით დააჯილდოვა „საერთაშორისო თანამშრომლობაში შეტანილი წვლილისთვის“.

ოფიციალური შეხვედრის შემდეგ გამართულ ხანმოკლე პრეს-კონფერენციაზე ბაღაფშმა და ლავროვმა ჟურნალისტების კითხვებს უპასუხეს:

ლავროვმა პოზიტიურად შეაფასა რუსულ-აფხაზური ურთიერთობების განვითარების დინამიკა. მისი თქმით, შექმნილია მყარი სახელშეკრულებო-სამართლებრივი ბაზა, რაც ურთიერთობების სამოკავშირეო ხასიათს განსაზღვრავს. ჩვენ ერთობლივი ძალისხმევით ვუზრუნველყოფთ აფხაზეთის უსაფრთხოებას, საზღვრების დაცვას. აღნიშნული სამართლებრივი ბაზა საშუალებას გვაძლევს ინტენსიურად და მჭიდროდ ვითანამშრომლოთ სოციალურ-ეკონომიკურ სფეროში.
ლავროვის განცხადებით, დღეისათვის 58 სახელმწიფოთაშორისო დოკუმენტი მოქმედებს, რომელსაც კიდევ ერთი - კულტურული ცენტრების შექმნის შესახებ დაემატა. დამატებით მუშავდება 40-მდე დოკუმენტი, რომელიც ორმხრივი თანამშრომლობის ყველა სფეროს მოიცავს.
ლავროვმა საერთაშორისო კუთხით უმნიშვნელოვანეს ამოცანად „რეგიონში უსაფრთხოების უზრუნველყოფა“ დაასახელა. მისი თქმით, რუსეთისთვის განსაკუთრებით მნიშვნელოვანია, რომ აფხაზეთი და ცხინვალის რეგიონი თავს გრძნობდნენ უსაფრთხოდ და მათ გარე სამყაროსთან ნორმალური ურთიერთობის დამყარების შესაძლებლობა ჰქონდეთ.

ვიზიტის ფარგლებში ლავროვი ორმხრივ ურთიერთობაში არსებულ პრობლემურ საკითხებსაც შეეხო, რომელიც მისი განცხადებით მოგვარებას საჭიროებს: პირველი ეს იყო ქონებრივი საკითხები და მეორე, საზღვრის გავლების, დელიმიტაციისა და შემდგომი დემარკაციის შეთანხმების მომზადება. განსაკუთრებით მწვავე იყო ქონებრივი უფლებების საკითხი, რაც საცხოვრებელი სახლების წართმევის შემთხვევებს შეეხებოდა.

ლავროვის ვიზიტი ზემო ჩამოთვლილ აქტუალურ საკითხებზე სკანდალების ფონზე წარიმართა. ლავროვის ვიზიტამდე აფხაზეთის მიმართ დაფიქსირდა რუსეთის ტერიტორიული პრეტენზიები სოფ. აიბღასთან დაკავშირებით. ასევე აფხაზეთში აქტიურად მსჯელოდბენ ქონების დაბრუნების საკითხზე, რომელიც აფხაზეთიდან იმ ლტოლვილებს ეხებოდათ, რომლებიც შემდგომში რუსეთის მოქალაქეები გახდნენ. ამ შემთხვევაში აფხაზური მხარე პრობლემას იმ ლტოლვილებში ხედავდა, რომლებიც ეთნიკური ქართველები იყვნენ და რუსეთის მოქალაქეობა ჰქონდათ. ლავროვის ვიზიტამდე გარკვეული უკმაყოფილება გამოიწვია კაპიტალურ რემონტზე რუსეთის სამხედრო სანატორიუმის დაკეტვამ, რასაც 1300 თანამშრომელის სამსახურიდან დათხოვნა მოჰყვა.

ვიზიტის ფარგლებში ლავროვი ეწვია რუსეთის ფედერალური სამსახურის სასაზღვრო სამმართველოს სამხედრო დასახლებას ახალ ათონში, მონაწილეობა მიიღო წიგნის „რუსები აფხაზეთში“ პრეზენტაციაში და გუდაუთის რაიონში, სოფ. ააციში სათავო საქაჩი სადგურის ექსპლუატაციაში გაშვებაში, რომელიც რუსული ფულით დაფინანსდა. ლავრომა ასევე დაათვალიერა რკინიგზის ხაზის ის მონაკვეთი, რომელიც რუსეთის რკინიგზის სამსახურის დახმარებით კეთდებოდა. მან ასევე რუსული დრამის თეატრის სამხატვრო ხელმძღვანელს ნინა ბალაევას „მეგობრობის ორდენი“ გადასცა

[pic] => files/kremlin/visits/3_5_Lavrov_meet_Bagapsh-2011.jpg ) [8] => Array ( [id] => 2 [preson_id] => 1 [region] => 1 [date] => 2011-06-02 [title] => ვლადიმერ პუტინის ვიზიტი აფხაზეთში [content] =>

2011 წლის 2 ივნისს რუსეთის ფედერაციის პრემიერ-მინისტრი ვლადიმერ პუტინი დაუგეგმავად ესტუმრა აფხაზეთს. 2008 წლის რუსეთ-საქართველოს ომის შემდეგ ეს მისი მეორე ვიზიტი იყო აფხაზეთში. პუტინი აფხაზეთის დე ფაქტო პრეზიდენტის სერგეი ბაღაფშის დაკრძალვის ცერემონიას დაესწრო. ბაღაფში, რომელიც 2005 წლიდან აფხაზეთის დე ფაქტო პრეზიდენტი იყო, 2011 წლის 29 მაისს მოსკოვის კლინიკაში გარდაიცვალა. იგი ფილტვების ოპერაციას იკეთებდა. პუტინმა პირადად მიაგო პატივი ბაღაფშის ხსოვნას და ბაღაფშის ქალიშვილსა და ქვრივს მიუსამძიმრა.

პუტინი ვიზიტის დროს აფხაზეთის დე ფაქტო პრეზიდენტის მოვალეობის შემსრულებელს ალექსანდრე ანქვაბს და დე ფაქტო პრემიერ-მინისტრს, სერგეი შამბას შეხვდა. შეხვედრის დროს პუტინმა აფხაზეთის დე ფაქტო ლიდერებს განუცხადა, რომ აფხაზეთს შეუძლია რუსეთის მხარდაჭერის იმედი ჰქონდეს, მათ შორის 10 მლრდ რუსული რუბლის (360 მლნ აშშ დოლარი) დახმარების, რომელიც კრემლმა 2011 წელს გამოუყო აფხაზეთს.

პუტინმა ანქვაბს განვითარების პრობლემების მოგვარებაში დახმარებას დაპირდა. პუტინმა შამბას განუცხადა, რომ მას იმედი აქვს, რომ „ქართველ და აფხაზ ხალხს შორის ურთიერთობა ყველა მიმართულებით აღდგება. ჩვენ მხარს დავუჭერთ თქვენს საგარეო კავშირებს ყველა სახელმწიფოსთან, უახლოესი მეზობლების ჩათვლით. დრო ყველა ჭრილობას მოაშუშებს. იმედი მაქვს აფხაზი და ქართველი ხალხის ურთიერთობა აღდგება“. შეხვედრის დროს პუტინმა შამბას ასევე განუცხადა, რომ რუსეთმა შეიძლება გაზარდოს აფხაზეთის ფინანსური დახმარება.

პუტინს ვიზიტის დროს თან ახლდა პრეზიდენტის ადმინისტრაციის უფროსი სერგეი ნარიშკინი, რეგიონული განვითარების მინისტრი ვიქტორ ბასარგინი და კრასნოდარის მხარის გუბერნატორი ალექსანდრ ტკაჩევი.

[pic] => files/kremlin/visits/1_2__Putin-2011.jpg ) [9] => Array ( [id] => 7 [preson_id] => 2 [region] => 2 [date] => 2012-12-08 [title] => დიმიტრი მედვედევის ვიზიტი ცხინვალის რეგიონში [content] =>

2012 წლის 8 აგვისტოს რუსეთ-საქართველოს ომის ოთხი წლისთავზე რუსეთის ფედერაციის პრემიერ-მინისტრი დიმიტრი მედვედევი ცხინვალის რეგიონს ესტუმრა. მედვედევი ცხინვალის რეგიონის დე ფაქტო პრეზიდენტს ლეონიდ თიბილოვს შეხვდა, რომელთან შეხვედრაზეც ძირითადად ომსა და ცხინვალის რეგიონის უსაფრთხოების საკითხებზე გაამახვილა ყურადღება.

მედვედევის განცხადებით, „ოთხი წლის წინათ ადამიანები ბარბაროსული აგრესიის შედეგად დაიღუპნენ“, „რუსეთს უნდა მიეღო გადაწყვეტილება სამხრეთ ოსეთის მოსახლეობის დახმარებისა და აგრესორის უკუგდების შესახებ. ეს გაკეთდა დროულად და ის საკმარისად სწრაფი იყო, რათა თავიდან აგვეცილებინა უფრო მეტი დანაკარგები. არ დავმალავ, რომ ჩემთვის ეს განსაკუთრებული დღე იყო, რადგან მე რთული გადაწყვეტილებები, მათ შორის სამხედრო გადაწყვეტილებები უნდა მიმეღო, რომელმაც საბოლოო ჯამში აღადგინა ბალანსი და რაც ყველაზე მთავარია მშვიდობა მოუტანა სამხრეთ ოსეთს. ეს იყო სწორი და სამართლიანი გადაწყვეტილება“. მედვედევის განცხადებით, რუსეთი გააგრძელებს ცხინვალის დახმარებას და „სამხრეთ ოსეთის ხალხის დაცვას“.

ეს იყო მედვედევის რიგით მეორე ვიზიტი ცხინვალის რეგიონში. მანამდე იგი ცხინვალს 2009 წლის 13 ივლისს პრეზიდენტის რანგში ესტუმრა. 2010 წლის 8 აგვისტოს, მედვედევი ასევე პრეზიდენტის რანგში აფხაზეთშიც იმყოფებოდა.

[pic] => files/kremlin/visits/2_3_Medvedev_2012.jpg ) [10] => Array ( [id] => 3 [preson_id] => 1 [region] => 1 [date] => 2013-08-25 [title] => ვლადიმერ პუტინის ვიზიტი აფხაზეთში [content] =>

2013 წლის 25 აგვისტოს რუსეთის ფედერაციის პრეზიდენტი ვლადიმერ პუტინი პრეზიდენტის რანგში პირველად ეწვია აფხაზეთს. 2008 წლის რუსეთ-საქართველოს ომის შემდეგ ეს მისი მესამე ვიზიტი იყო აფხაზეთში. პუტინი აფხაზეთის დე ფაქტო ლიდერს ალექსანდრე ანქვაბს ბიჭვინთაში სამთავრობო, საბჭოთა ლიდერების ყოფილ აგარაკზე შეხვდა.

(აგარაკი საბჭოთა ლიდერების პოპულარული დასასვნებელი იყო, რომელიც 1960 წელს საბჭოთა კავშირის კომუნისტური პარტიის ცენტრალური კომიტეტის პირველი მდივნის ნიკიტა ხრუშოვის ბრძანებით ააგეს. სწორედ ამ აგარაკზე დასვენების დროს გაიგო ხრუშოვმა, რომ იგი საბჭოთა კავშირის კომუნისტური პარტიის ცენტრალური კომიტეტის პლენუმმა გადააყენა. აგარაკზე 1974 წელს ხრუშოვის მემკვიდრე ლეონიდ ბრეჟნევმა საფრანგეთის პრეზიდენტი ჟორჟ პომპიდუსაც კი უმასპინძლა.)

ვიზიტი მნიშვნელოვან თარიღს დაემთხვა. 26 აგვისტოს აფხაზეთმა რუსეთის აღიარებიდან 5 წლისთავი იზეიმა. კრემლის განცხადებით, „მოლაპარაკების დროს ლიდერებმა ორმხრივი თანამშრომლობის საკითხები განიხილეს“.

[pic] => files/kremlin/visits/1_3_Putin_2013.jpg ) [11] => Array ( [id] => 13 [preson_id] => 3 [region] => 1 [date] => 2017-04-18 [title] => სერგეი ლავროვის ვიზიტი აფხაზეთში [content] =>

2017 წლის 18-19 აპრილს, რუსეთის ფედერაციის საგარეო საქმეთა მინისტრი სერგეი ლავროვი, 2008 წლის რუსეთ-საქართველოს აგვისტოს ომის დასრულების შემდეგ, აფხაზეთს მეოთხეჯერ ესტუმრა. აფხაზეთში ლავროვის ბოლო ვიზიტი 2011 წელს შედგა. ამჯერად, ვიზიტის მთავარი მიზანი აფხაზეთში რუსეთის „საელჩოს“ახალი შენობის გახსნა იყო.

თუმცა, არაფორმალურ მიზეზად 2017 წლის 12 მარტის არალეგიტიმური არჩევნების შედეგად არჩეული პარლამენტის ლიდერების გაცნობა და აფხაზებისთვის რუსეთის ახალი „ელჩის“ წარდგენაც სახელდებოდა.

ლავროვს აეროპორტში აფხაზური მხრიდან დახვდნენ დე ფაქტო პრეზიდენტი რაულ ხაჯიმბა, დე ფაქტო საგარეო საქმეთა მინისტრი დაურ კოვე, რუსეთში აფხაზეთის დე ფაქტო ელჩი იგორ ახბა, რუსეთის მხრიდან კი, აფხაზეთში რუსეთის „ელჩი“ სემიონ გრიგორიევი. ლავროვს აეროპორტში ტრადიციულად ყანწითა და ღვინით დახვდნენ. ჩამოსვლიდან მალევე ლავროვმა ხაჯიმბასთან ერთად რუსეთის „საელჩოს“ შენობების ახალი კომპლექსი გახსნა, რომელიც ფაქტობრივად ერთი თვეა უკვე მუშაობდა.

„საელჩო“ სოხუმის ცენტრში დიდების პარკის გვერდით გაიხსნა. კომპლექსის მშენებლობა 2013 წელს დაიწყო, მიწის ნაკვეთი კი ჯერ კიდევ 2008 წლის ოქტომბერში გადაეცა რუსულ მხარეს. ახალი კომპლექსის გახსნის შედეგად რუსეთის „საელჩო“ და „საკონსულო“ ერთ კომპლექსში იმუშავებს. მანამდე „საელჩო“ დსთ–ის სამშვიდობო ძალების ყოფილ შტაბში იყო განთავსებული, სანატორიუმ „სუხუმ“–ის ტერიტორიაზე.

„საელჩოს“ გახსნასთან დაკავშირებით ლავროვმა განაცხადა, რომ „„საელჩოს“ შენობა ქალაქის ცენტრალურ ადგილას მდებარეობს, სადაც თანამშრომლებისთვის ძალიან კომფორტული გარემოა. ის, რომ ჩვენ ასეთი დიდი „საელჩო“ გავხსენით აფხაზეთში, დამატებით უსვამს ხაზს ჩვენს მოკავშირეობას“. თავის მხრივ, ხაჯიმბამ განაცხადა, რომ „„საელჩოს“ გახსნა ეს არის დასტური იმისა, თუ როგორ აწყობენ აფხაზეთი და რუსეთი ურთიერთობას“.

ვიზიტის მეორე დღე, 19 აპრილი, ლავროვმა სოხუმში დიდების მემორიალის მონახულებით დაიწყო, რის შემდეგადაც ლავროვმა მოლაპარაკებები გამართა ხაჯიმბასთან და კოვესთან. ხაჯიმბასთან შეხვედრაზე ლავროვმა განაცხადა, რომ „აქტიურად უნდა გაგრძელდეს ჟენევის დისკუსიებში მონაწილეობა, რომელსაც ნელა, მაგრამ შედეგები მაინც მოაქვს. დარწმუნებული ვარ, რომ ახლო მომავალში საკმაოდ რეალურია ძალის გამოუყენებლობის შესახებ იურიდიულად სავალდებულო დოკუმენტის ხელმოწერა, რაც მთელი კაკვასიის რეგიონისთვის მნიშვნელოვანი სიგნალი იქნება“.

ვიზიტის დროს ლავროვმა უსაფრთხოების საკითხებზე გაამახვილა ყურადღება. კოლექტიური უსაფრთხოების ხელშეკრულების ორგანიზაციასთან აფხაზეთის თანამშრომლობის შესაძლებლობის შესახებ ლავრომა განაცხადა, რომ „რუსეთი მიესალმება ასეთ თანამშრომლობას, მაგრამ ამისთვის საჭიროა ორგანიზაციის ყველა წევრის თანხმობა. ორგანიზაცია მოწოდებულია უზრუნველყოს მისი წევრი ქვეყნების უსაფრთხოება, აფხაზეთის შემთხვევაში კი, მის უსაფრთხოებას რუსეთის შეიარაღებული ძალები უზრუნველყოფენ აფხაზეთის შეიარაღებულ ძალებთან თანამშრომლობით“.

აფხაზეთის მოქალაქეების მიერ რუსეთის მოქალაქეობის გამარტივებულად მიღების შესახებ ლავროვმა განაცხადა, რომ შესაბამისი შეთანხმების პროექტი ორმაგ მოქალაქეობაზე გასულ წელს აფხაზურ მხარეს გადაეცა. რაზეც ხაჯიმბამ განაცხადა, რომ პროექტს მთავრობა განიხილავს, რომელიც დოკუმენტს პარლამენტს წარუდგენს.

აფხაზეთის ტერიტორიის გავლით ტვირთების გატარების შესახებ ლავრომა განაცხადა, რომ ამაში არა მხოლოდ აფხაზეთი, არამედ რუსეთიც დაინტერესებულია. „რუსეთს არანაირი პრობლემა არ აქვს ტრანზიტი რომ აღდგეს. არსებობს სამართლებრივი ბაზაც, რომ ეს მოხდეს, ეს შეიძლება დაეფუძნოს იმ შეთანხმებებს, რომელიც რუსეთსა და მსოფლიო სავაჭრო ორგანიზაციას შორის მიიღწა 2011 წელს, როდესაც რუსეთი ორგანიზაციის წევრი გახდა. ჩვენ ვიცით, რომ ჩვენი სომეხი კოლეგები დაინტერესებულნი არიან ტრანზიტით. დღეს აფხაზეთის ლიდერმა განაცხადა, რომ აფხაზეთი არ არის ამის წინააღმდეგი, ამიტომ ეს ახლა არა ჩვენზე, არამედ სხვა ქვეყნებზეა დამოკიდებული, სადაც ამ ტრანზიტმა უნდა გაიაროს“.

სამუშაო ვიზიტის ფარგლებში ლავროვი ცნობილ „ბრეხალოვკაზეც“ იმყოფებოდა, სადაც აფხაზ მასპინძლებთან ერთად ყავა მიირთვა. შემდეგ ლავროვმა ფაზილ ისკანდერის სახელობის დრამის სახელმწიფო რუსული თეატრი მოინახულა, სადაც „სპუტნიკის“ კორესპონდენტის ტომას ტხაიცუკის მიერ გადაღებული თეატრის სხვადასხვა სპექტაკლების ფოტოგამოფენა დაათვალიერა. ლავროვმა ერთ-ერთი სპექტაკლის მოკლე ნაწყვეტის ნახვაც მოასწრო.

მედიაში გავრცელებული ინფორმაციით, ლავროვს აფხაზეთის პოლიტიკური ელიტისთვის ახალი „ელჩის“ კანდიდატურაც უნდა გაეცნო, მაგრამ მოქმედი „ელჩის“ სემიონ გრიგორიევის შემცვლელის ვინაობა ვიზიტის დროს არ დასახელებულა.

[pic] => files/kremlin/visits/3_6_Lavrov_meet_Khajimba-2017.jpg ) [12] => Array ( [id] => 4 [preson_id] => 1 [region] => 1 [date] => 2017-08-08 [title] => ვლადიმერ პუტინის ვიზიტი აფხაზეთში [content] =>

2017 წლის 8 აგვისტოს, ოთხწლიანი ინტერვალის შემდეგ, რუსეთის პრეზიდენტი ვლადიმერ პუტინი აფხაზეთს რუსეთ-საქართველოს ომის მე-9 წლისთავზე ხანმოკლე (სულ 2 საათით) ვიზიტით ესტუმრა. პუტინი ბიჭვინთაში ვერტმფრენით ჩაფრინდა, სადაც სამთავრობო, საბჭოთა ლიდერების ყოფილ აგარაკზე აფხაზეთის დე ფაქტო პრეზიდენტ რაულ ხაჯიმბას პირისპირ შეხვდა.

2013 წელსაც, ამ აგარაკზე შედგა პუტინის სტუმრობა. პრეზიდენტის რანგში ეს პუტინის მეორე ვიზიტი იყო აფხაზეთში, სულ პრეზიდენტისა და პრემიერ-მინისტრის რანგში მეოთხე. პუტინის ვერტმფრენის გარდა, ბიჭვინთის საკურორტო ზონაში ვერტმფრენის დასაჯდომ ადგილას შვიდი ვერტმფრენი დაჯდა, რომლის შემდეგაც შეხვედრა დაიწყო ხაჯიმბასთან. შეხვედრა ნახევარი საათი გაგრძელდა. ამის შემდეგ დელეგაციების გაფართოებული შეხვედრა გაიმართა. შეხვედრის დასრულების შემდეგ პუტინი და ხაჯიმბა ვერტმფრენით სოჭში გაემართნენ, სადაც საბრძოლო სამბოს ტურნირს დაესწრნენ.

პუტინის დელეგაციაში სხვა ოფიციალურ პირებთან ერთად იყო მისი თანაშემწე, აფხაზეთისა და ცხინვალის რეგიონის კურატორი ვლადისლავ სურკოვი, უშიშროების საბჭოს მდივნის მოადგილე რაშიდ ნურგალიევი და საგარეო საქმეთა მინისტრის მოადგილე გრიგორი კარასანიც. აფხაზური მხარიდან შეხვედრაში მონაწილეობა მიიღეს ვიცე-პრეზიდენტმა ვიტალი გაბნიამ, უშიშროების საბჭოს მდივანმა მუხამედ კილბამ, პრეზიდენტის ადმინისტრაციის უფროსმა დაურ არშბამ, პრემიერ-მინისტრმა ბესლან ბარციცმა და სხვებმა.

პროტოკოლურ შეხვედრამდე ხაჯიმბამ და პუტინმა ჟურნალისტების წინაშე განცხადებები გააკეთეს. ლიდერების შეხვედრა და გაფართოებული შეხვედრა დახურულ ფორმატში გაიმართა. შეხვედრის შემდეგ ხელი მოეწერე სამედიცინო სფეროში შეთანხმებას. შეთანხმების გაფორმების შემდეგ ლიდერებმა ჟურნალისტებთან მოკლე განცხადებები გააკეთეს.

ვიზიტის კონტექსტი

პუტინის ვიზიტი აფხაზეთში განვითარებული მნიშვნელოვანი მოვლენების ფონზე შედგა. მანამდე გუდაუთის რაიონის სოფ. პრიმორსკოეში (2017 წლის 2 აგვისტო) აფხაზეთის დე ფაქტო თავდაცვის სამინისტროს საბრძოლო მასალების საწყობის აფეთქებას 64 ადამიანის დაშავება და სანქტ-პეტერბურგიდან ორი ტურისტის დაღუპვა მოყვა. ცოტა უფრო ადრე გუდაუთის რაიონის ერთ-ერთ სოფელში ადგილობრივის მხრიდან რუს ტურისტებზე თავდასხმის (2017 წლის 11 ივლისი) შედეგად რუსეთის მოქალაქე დაიღუპა, რასაც რუსულ საინფორმაციო სივრცეში ანტიაფხაზური განწყობების გაღვივება მოჰყვა, რამაც ტურისტულ სეზონსაც დიდი დარტყმა მიაყენა. რუსულ მედიაში პუტინის ჩასვლას ნაკლებად მიექცა ყურადღება, ძირითადი აქცენტი პრიმორსკოეში აფეთქებასა და რუს ტურისტებზე თავდასხმაზე გაკეთდა.

ამ ვიზიტით, პუტინი შეეცადა თანამემამულეები დაეწყნარებინა, რომ რუსეთი სახელმწიფო დონეზე აფხაზეთს პერსპექტიულ პარტნიორად განიხილავდა და მხოლოდ საკუთარი მოქალაქეების უსაფრთხოების უზრუნველყოფა სურდა.

პუტინის ვიზიტი ასევე დაემთხვა აფხაზეთში შიდა პოლიტიკური დაპირისპირების მორიგ რაუნდს, რომელიც რუსეთთან თანამშრომლობის სხვადასხვა ასპექტების განხილვას უკავშირდებოდა. კერძოდ, აფხაზების ნაწილი რუსეთთან თანამშრომლობის ზოგიერთი საკითხზე ენთუზიამზს არ გამოხატავდნენ, რაც მოლაპარაკებებისა და რატიფაკიციების პროცესის გაჭიანურებაშიც გამოიხატებოდა.

პუტინის ვიზიტამდე ერთი კვირით ადრე, თბილისში, 1 აგვისტოს, აშშ-ის ვიცე-პრეზიდენტი მაიკ პენსი იმყოფებოდა, რომელმაც საქართველოს სრული მხარდაჭერა გამოუცხადა და დაგმო რუსეთის მხიდან საქართველოს მიმართ აგრესია და მისი ტერიტორიების ოკუპაცია. პენსი თბილისში ვიზიტის დროს ქართულ-ამერიკულ ერთობლივ წვრთნებსაც დაესწრო.

სამედიცინო დაზღვევის შესახებ შეთანხმება

პუტინის ვიზიტის დროს მნიშვნელოვანი მოვლენა იყო სამედიცინო დაზღვევის შესახებ შეთანხმების ხელმოწერა. აფხაზეთის დე ფაქტო ჯანდაცვის მინისტრმა თამაზ ცახნაკიამ და რუსეთის ფედერაციის ჯანდაცვის მინისტრმა ვერონიკა სკვარცოვამ ხელი მოაწერეს შეთანხმებას თანამშრომლობის შესახებ შემდეგ სფეროებში: რუსეთის ფედერაციის სავალდებულო სამედიცინო დაზღვევის სფეროში აფხაზეთის ტერიტორიაზე მუდმივად მცხოვრები რუსეთის მოქალაქეების დაზღვევის ორგანიზების შესახებ და რუსეთის ფედერაციის სამედიცინო ორგანიზაციებში მათთვის სამედიცინო დახმარების აღმოჩენის შესახებ. შეთანხმება აფხაზეთში მუდმივად მცხოვრებ რუსეთის მოქალაქეებს რუსეთში სამედიცინო დაზღვევისა და სამედიცინო დახმარების მიღების შესაძლებლობას მისცემს.

სამედიცინო დაზღვევის თემა მას შემდეგ გახდა აქტუალური, რაც აფხაზეთის დე ფაქტო ლიდერების აზრით, აფხაზეთის ტერიტორიაზე მაცხოვრებული პირების საქართველოში სამედიცინო მომსახურების მიზნით გადასვლამ საგანგაშო ფორმა მიიღო. ხელმოწერის შემდეგ აფხაზეთის დე ფაქტო ჯანდაცვის მინისტრმა განაცხადა, რომ იგი დარწმუნებულია რომ ხელმოწერის შემდეგ საქართველოში წამსვლელი აფხაზების რაოდენობა მნიშვნელოვნად შემცირდება.

სამედიცინო დაზღვევის სფეროში შეთანხმების რატიფიცირება 2018 წლის თებერვალში მოხდა. 2018 წლის მაისში კი - აფხაზეთის ტერიტორიაზე სავალდებულო სამედიცინო დაზღვევის პოლისების გაცემის შვიდი პუნქტი გაიხსნა.

ვაჭრობის ხელშეწყობა

ვიზიტის დროს პუტინმა ასევე განაცხადა, რომ ორმხრივ ვაჭრობაში საბაჟო გაფორმებისა და ფიტოსანიტარული კონტროლის წესი შეიცვლება. პუტინის განცხადებით, აფხაზური ექსპორტის დიდი ნაწილი რუსეთში უპირველეს ყოვლისა შედგება ხილისა და ბოსტნეულისგან და აფხაზეთიდან ზოგიერთ ქვეყანაში პროდუქციის შეტანაზე დაწესებული შეზღუდვების პირობებში, ძალიან კარგი შესაძლებლობაა აფხაზური პროდუქციის მიწოდება რუსულ ბაზარზე შემდგომშიც გაიზარდოს. ვიზიტის დროს პუტინმა ასევე განაცხადა, რომ რუსული ბანკების მხარდაჭერით, სხვადასხვა პროექტები ხორციელდება ტურიზმის, სოფლის მეურნეობასა და კვების მრეწველობაში, მთლიანობაში 1 მლრდ რუბლის ოდენობით.

ვიზიტის დროს პუტინმა ასევე განაცხადა, რომ აფხაზეთის განვითარების მხარდაჭერის ფარგლებში საინვესტიციო პროგრამების დაფინანსება 2017-2019 წლებში 6 მლრდ რუბლი იქნება.

პუტინის განცხადებით, აფხაზეთთან რუსეთს აერთიანებს საერთო ისტორია და სულიერი ნათესაობა, რუსეთი შემდგომშიც ხელს შეუწყობს აფხაზეთის სოციალურ-ეკონომიკურ განვითარებას, საიმედოდ უზრუნველყოფს მის უსაფთრხოებას და უზრუნველყოფს საერთაშორისო მასშტაბით პოლიტიკურ მხარდაჭერას. პუტინის განცხადებით, შეხვედრის დროს განსაკუთრებული ყურადღება დაეთმო აფხაზეთის თანამედროვე სახელმწიფოდ გადაქცევას. შეხვედრაზე ორი მხარის მეწარმეების პირდაპირ კავშირებზეც შეთანხმდნენ.

უსაფრთხოების სფერო - შს სამინისტროების ერთობლივი საინფორმაციო-საკოორდინაციო ცენტრი

პუტინმა ამავე შეხვედრაზე ყურადღება გაამახვილა, რომ შს სამინისტროების ერთობლივი საინფორმაციო-საკოორდინაციო ცენტრის სტრუქტურის შექმნა აამაღლებს ერთობლივ ძალისხმევას კრიმინალთან ბრძოლის კუთხით და გამოთქვა იმედი, რომ ახალი სტრუქტურა აფხაზეთში რუსი ტურისტების უსაფრთხოებას უზრუნველყოფს.

აფხაზეთსა და რუსეთს შორის შინაგან საქმეთა ორგანოების ერთობლივი საინფორმაციო-საკოორდინაციო ცენტრის ფორმირებისა და საქმიანობის წესის შესახებ შეთანხმებას 2017 წლის 18 მაისს მოაწერეს ხელი. შეთანხმების რატიფიცირება აფხაზეთის დე ფაქტო პარლამენტმა 2017 წლის 26 ივლისს მოახდინა.

[pic] => files/kremlin/visits/1_4_Putin_2017.jpg ) [13] => Array ( [id] => 14 [preson_id] => 4 [region] => 1 [date] => 2022-12-01 [title] => ვიაჩესლავ ვოლოდინის ვიზიტი აფხაზეთში [content] =>

2022 წლის 1 დეკემბერს რუსეთის ფედერაციის სახელმწიფო დუმის თავმჯდომარე ვიაჩესლავ ვოლოდინი ოკუპირებულ აფხაზეთს ესტუმრა. ვოლოდინის ვიზიტის ოფიციალური მიზანი რუსეთის სახელმწიფო დუმასა და აფხაზეთის დე ფაქტო პარლამენტს შორის თანამშრომლობის შეთანხმების ხელმოწერა იყო.

2008 წლის რუსეთ-საქართველოს ომის შემდეგ, ეს სახელმწიფო დუმის თავმჯდომარის პირველი ვიზიტი იყო საქართველოს ოკუპირებულ რეგიონში. ვოლოდინი სოხუმის აეროპორტში ვერტმფრენით ჩაფრინდა. აეროპორტი აფხაზეთის დე ფაქტო რესპუბლიკის სპეცდანიშნულების რაზმის განსაკუთრებული დაცვის ქვეშ იმყოფებოდა. მას აეროპორტში დახვდა აფხაზეთის დე ფაქტო პარლამენტის სპიკერი ლაშა აშუბა. ვოლოდინის დელეგაციის წევრები იყვნენ: სახელმწიფო დუმის თამჯდომარის მოადგილე სერგეი ნევეროვი, სახელმწიფო დუმის დამოუკიდებელ სახელმწიფოთა თანამეგობრობის საქმეთა, ევრაზიული ინტეგრაციისა და თანამემამულეებთან ურთიერთობების კომიტეტის თავმჯდომარე ლეონიდ კალაშნიკოვი და მისი პირველი მოადგილე კონსტანტინ ზატულინი, თავდაცვის კომიტეტის თავმჯდომარე ანდრეი კარტაპალოვი, ტურიზმისა და ტურისტული ინფრასტრუქტურის განვითარების კომიტეტის თავმჯდომარე სანგაჯი ტარბაევი, საერთაშორისო საქმეთა კომიტეტის თავმჯდომარის პირველი მოადგილე სვეტლანა ჟუროვა.

დე ფაქტო პრეზიდენტთან შეხვედრა

ვოლოდინი ვიზიტის ფარგლებში აფხაზეთის დე ფაქტო პრეზიდენტ ასლან ბჟანიას შეხვდა. შეხვედრაზე ვოლოდინმა ორი „ქვეყნის“ ურთიერთობის სამოკავშირეო, სტრატეგიულ მნიშვნელობას გაუსვა ხაზი. მისი თქმით, „საჭიროა საპარლამენტო სივრცეში თანამშრომლობის ახალი ფორმატის გამოყენება, რათა მოქალაქეების ინტერესების შესაბამისად გვარდებოდეს საკითხები, ვითარდებოდეს ქვეყნებს შორის ურთიერთობა“.

რუსეთის მხრიდან შეხვედრაში მონაწილეობდნენ: სერგეი ნევეროვი, ლეონიდ კალაშნიკოვი და აფხაზეთში რუსეთის „ელჩი“ მიხაილ შურგალინი, აფხაზური მხრიდან: დე ფაქტო პრემიერ-მინისტრი ალექსანდრ ანქვაბი, დე ფაქტო პარლამენტის სპიკერი ლაშა აშუბა, დე ფაქტო პრეზიდენტის ადმინისტრაციის უფროსი ჯანსუღ ნანბა.

დე ფაქტო პარლამენტის თავმჯდომარესთან შეხვედრა

ბჟანიასთან შეხვედრის შემდეგ ვოლოდინი დე ფაქტო პარლამენტის სპიკერ ლაშა აშუბას შეხვდა. შეხვედრაზე „საპარლამენტო“ დიალოგის განვითარებაზე ისაუბრეს და ორმხრივი ურთიერთობის აქტუალური საკითხები განიხილეს, მათ შორის, მოქმედი სახელშეკრულებო ბაზის განხორციელებაზე საპარლამენტო კონტროლის შესრულების საკითხი.

აფხაზური მხრიდან შეხვედრაში დე ფაქტო სპიკერის მოადგილეები მონაწილეობდნენ: ფაზლიბეი ავიძბა, ასტამურ არშბა და აშოტ მინოსიანი, რუსეთის მხრიდან: სერგეი ნევეროვი, ლეონიდ კალაშნიკოვი, მიხაილ შურგალინი.

ვოლოდინი ახფაზეთის დე ფაქტო პარლამენტის წინაშე სიტყვითაც გამოვიდა. პარლამენტში გამოსვლის დროს ვოლოდინმა ორ „ქვეყანას“ შორის საქონელბრუნვის ზრდასა და ტურიზმის განვითარებაზეც ისაუბა. მისი თქმით, აფხაზეთი რუსი ტურისტებისთვის ხუთ ყველაზე მიმზიდველი ადგილების სიაში მეორეა. ვოლოდინმა უკრაინაში რუსეთის სამხედრო აგრესიაში მონაწილე აფხაზ მოხალისეებს მადლობაც გადაუხადა.

ვოლოდინმა და აშუბამ ორი ქვეყნის პარლამენტის შორის თანამშრომლობის შეთანხმებასაც მოაწერა ხელი, რომლის ფარგლებშიც შეიქმნა სამუშაო ჯგუფი, რომელიც საპარლამენტო ფორმატში მოაგვარებს არსებულ საკითხებს. სამუშაო ჯგუფის შეხვედრა რამდენიმე თვეში ჩატარდება.

ვიზიტის ფარგლებში ვოლოდინმა პატივი მიაგო 1992-1993 წლებში „აფხაზი ხალხის სამამულო ომში“ დაღუპულთა მემორიალს და გვირგვინით შეამკო ქ. სოხუმში „საბრძოლო დიდების პარკში“ მდებარე მემორიალი.

[pic] => files/kremlin/visits/po9Gn7t2sxK3TU05hDO2f786Io7kHL02.jpg ) )