რუსეთის შს სამინისტროს დელეგაცია ცხინვალის რეგიონის დე ფაქტო შს სამინისტროს ესტუმრა. რუსეთის შსს-ს სხვადასხვა დეპარტამენტის წარმომადგენლებისგან შემდგარი დელეგაციის ვიზიტის მიზანი ცხინვალისთვის პრაქტიკული დახმარების გაწევაა.
რუსეთის შს სამინისტროს დელეგაცია ცხინვალის რეგიონის დე ფაქტო შს სამინისტროს ესტუმრა. რუსეთის შსს-ს სხვადასხვა დეპარტამენტის წარმომადგენლებისგან შემდგარი დელეგაციის ვიზიტის მიზანი ცხინვალისთვის პრაქტიკული დახმარების გაწევაა.
რუსეთის ფედერაციის პრეზიდენტმა რუსეთის ფედერაციასა და ცხინვალის რეგიონს შორის გაფორმებულ მოკავშირეობისა და ინტეგრაციის შეთანხმებაში (18 მარტი, 2015 წელი) ცვლილებების პროექტი რატიფიკაციისთვის სახელმწიფო დუმას წარუდგინა. ცვლილება რუსეთისა და ცხინვალის რეგიონის ტერიტორიებზე მოქალაქეების ყოფნის ვადაზე არსებული შეზღუდვის მოხსნას ითვალისწინებს.
რუსეთის ფედერაციის რკინიგზის წარმომადგენლის განცხადებით, ზაფხულის პერიოდში აფხაზეთის მიმართულებით სამი მატარებელი იმოძრავებს. მოსკოვიდან და სანქტ-პეტერბურგიდან მატარებელი, ივნის-აგვისტოს პერიოდში, ყოველდღიურ რეჟიმში იმოძრავებს, სამარიდან კი, ივნის-ივლისში, კვირაში - სამ-ოთხჯერ.
ცხინვალის რეგიონში „სამხრეთ ოსეთის სახელმწიფო უნივერსიტეტში“ რუსულ ფონდ „რუსკი მირ“-ის ფილიალი გაიხსნა. ფონდი 2007 წლის 21 ივნისს რუსეთის პრეზიდენტის ბრძანებით დაფუძნდა და მისი მიზანია რუსული ენისა და კულტურის პოპულარიზაცია, განათლების პროგრამების მხარდაჭერა, რუსული ენის შენარჩუნება და განვითარება. ფონდის პრეზიდენტია ვიაჩესლავ ნიკონოვი.
2019 წლის 12 აპრილს ცხინვალის რეგიონს რუსეთის ფედერაციის ფედერაციის საბჭოს დელეგაცია ესტუმრა. დელეგაციის ხელმძღვანელი იყო საერთაშორისო საქმეთა კომიტეტის წევრი სერგეი ცეკოვი (ფედერაციის საბჭოში რუსეთის მიერ ანექსირებულ ყირიმს წარმოადგენს), რომელიც რუსეთსა და ცხინვალის რეგიონს შორის საპარლამენტათაშორისი კომისიის თანათავმჯდომარეა. ცხინვალში კომისიის მორიგი სხდომა გაიმართა.
რუსეთის ფედერაციის სამხრეთის სამხედრო ოლქის 58-ე საერთო საჯარისო არმიის მეთაური, გენერალ-მაიორი სერგეი რიჟკოვი ცხინვალის რეგიონში დისლოცირებულ რუსეთის მე-4 სამხედრო ბაზას სამუშაო ვიზიტით ეწვია. რიჟკოვმა პირადად შეამოწმა სამხედრო ტექნიკისა და შეიარაღების ექსპლუატაციისა და რემონტის ხარისხი, პირადი შემადგენლობის მორალურ-ფსიქოლოგიური მდგომარეობა და სამხედრო დისციპლინა, ცხინვალის რეგიონში სამხედრო ქალაქების განვითარებისა და სოციალური უზრუნველყოფისათვის გადადგმული ნაბიჯები.
აფხაზეთში რუსეთის მე-7 სამხედრო ბაზის მეზენიტეებმა პირობითი მოწინააღმდეგის საჰაერო და საზღვაო ძალების სარაკეტო დარტყმებისგან მნიშვნელოვანი ობიექტების დაცვაში ივარჯიშეს. სარაკეტო კომპლექსების დანაყოფებმა სასტარტო პოზიცია დაიკავეს, მოაწყვეს კავშირგაბმულობისა და მართვის სისტემა და ტექნიკა საბრძოლო მზადყოფნაში მოიყვანეს.
2019 წლის 12 აპრილს, მოსკოვში, რუსეთის ფედერაციასა და ცხინვალის რეგიონს შორის სოციალურ-ეკონომიკური თანამშრომლობის სამთავრობათაშორისი კომისიის რუსული მხარის სხდომა გაიმართა. სხდომას კომისიის თანათავმჯდომარე, რუსეთის ფედერაციის ვიცე-პრემიერი ვიტალი მუტკო ხელმძღვანელობდა. სხდომაში მონაწილეობა მიიღო ჩრდილოეთ კავკასიის საქმეთა მინისტრმა სერგეი ჩებოტარევმაც. სხდომაზე ცხინვალის რეგიონის სოციალურ-ეკონომიკური განვითარების მხარდამჭერ 2020-2022 წლების საინვესტიციო პროგრამასთან, მიმდინარე საინვესტიციო პროგრამის განხორციელებასთან და 2019 წელს ცხინვალის რეგიონისთვის ფულის გამოყოფასთან დაკავშირებული საკითხები განიხილეს.
ცხინვალში 100 ბავშვზე გათვლილი ორსართულიანი საბავშვო ბაღი („ფარდიგ“) საზეიმოდ გაიხსნა. ღონისძიებას ცხინვალის რეგიონის დე ფაქტო პრეზიდენტი ანატოლი ბიბილოვი და ცხინვალის რეგიონში რუსეთის ფედერაციის „ელჩი“ მარატ კულახმეტოვიც ესწრებოდნენ.
რუსეთის ფედერაციის ფინანსური დახმარებით ცხინვალში სამედიცინო კლასტერი და ცხინვალის რეგიონში 20-ზე მეტი სამკურნალო დაწესებულება აშენდა. ცხინვალის რეგიონის სოციალურ-ეკონომიკური განვითარების მხარდამჭერი 2015-2017 წლების საინვესტიციო პროგრამების ფარგლებში გამოყოფილი 1.5 მლრდ რუბლით მრავალპროფილური სამედიცინო კლასტერი შეიქმნა.
ცხინვალის რეგიონის დე ფაქტო პრეზიდენტმა ანატოლი ბიბილოვმა რუსეთის ფედერაციის თავდაცვის სამინისტროს დელეგაცია მიიღო. რუსეთის დელეგაციას რუსეთის ფედერაციის შეიარაღებული ძალების გენერალური შტაბის უფროსის მოადგილე სერგეი ისტრაკოვი ხელმძღვანელობდა. შეხვედრაზე სამხედრო-ტექნიკური თანამშრომლობისა და ხელმოწერილი შეთანხმებების განხორციელების საკითხები განიხილეს.
აფხაზეთში რუსეთის სავაჭრო წარმომადგენელმა ვლადიმირ ნეკრასოვმა რუსეთის საინფორმაციო სააგენტო „სპუტნიკისთვის“ მიცემულ ინტერვიუში რუსეთ-აფხაზეთის ეკონომიკურ ურთიერთობებზე ისაუბრა. ინტერვიუს დროს ნეკრასოვმა რამდენიმე მნიშვნელოვან საკითხზე გაამახვილა ყურადღება:
ცხინვალის რეგიონის დე ფაქტო შს მინისტრმა, იგორ ნანიევმა, რუსეთის ფედერაციისა და ცხინვალის რეგიონის შინაგან საქმეთა სამინისტროების ერთობლივი საინფორმაციო-საკოორდინაციო ცენტრის თანამშრომლებს რუსეთის შს სამინისტროს საუწყებო ჯილდოები გადასცა, ცენტრის დაფუძნებასა და განვითარებაში შეტანილი წვლილისთვის.
სოხუმში მესაზღვრეების ხეივანში რუსეთის ფედერაციის უშიშროების ფედერალური სამსახურის სასაზღვრო სამმართველოს თანამშრომელის, ვიცე-პოლკოვნიკ ვასილი კვიტკოს გარდაცვალებასთან დაკავშირებით სამგლოვიარო მიტინგი გაიმართა.