ე.წ. „სამხრეთ ოსეთის რესპუბლიკის“ საელჩო რუსეთში ინფორმაციას ავრცელებს ე.წ. სახელმწიფო და მუნიციპალურ სტრუქტურებში დასაქმებულთათვის ანაზღაურების გაზრდის შესახებ.
ე.წ. „სამხრეთ ოსეთის რესპუბლიკის“ საელჩო რუსეთში ინფორმაციას ავრცელებს ე.წ. სახელმწიფო და მუნიციპალურ სტრუქტურებში დასაქმებულთათვის ანაზღაურების გაზრდის შესახებ.
25 ივნისს მოსკოვში რუსეთის შრომისა და სოციალური დაცვის მინისტრმა - ანტონ კოტიაკოვმა და ცხინვალის რეგიონის დე ფაქტო პრემიერ-მინისტრმა - გენადი ბეკოევმა შეთანხმება გააფორმეს. შეთანხმება რუსეთის ბიუჯეტის დაფინანსებით ცხინვალის რეგიონში „საჯარო სექტორში“ ხელფასების გაზრდას მოიაზრებს.
25 მაისს ცხინვალის რეგიონის დე ფაქტო პრემიერ-მინისტრი გენადი ბეკოევი მოსკოვში რუსეთის შრომის მინისტრს - ანტონ კოტიაკოვს შეხვდა. მათ ხელი მოაწერეს პროტოკოლს, რომელიც ცხინვალის რეგიონში „სახელმწიფო“ და „მუნიციპალურ“ უწყებებში ანაზღაურების გაზრდას გულისხმობს. შეთანხმება გარკვეული პროცედურების შემდეგ ამოქმედდება და ხელფასების მომატება 2021 წლის 1 იანვრიდან აითვლება.
აფხაზეთის დე ფაქტო პარლამენტმა 31 მარტის სესიაზე რუსეთ-აფხაზეთის ხელშეკრულების ცვლილების პროტოკოლის რატიფიკაცია მოახდინა. ხელშეკრულება ჯანდაცვის, განათლების, მეცნიერების, კულტურის, სპორტისა და სოციალური მომსახურების სფეროში საჯარო მოხელეთა ხელფასების ზრდას რუსეთის თანადაფინანსების ხარჯზე მოიაზრებს.
ცხინვალის რეგიონის დე ფაქტო პარლამენტის ბიუჯეტისა და გადასახადების კომიტეტის თავმჯდომარის ელენა ჯიოევას განცხადებით, ცხინვალის რეგიონის ბიუჯეტი 2021 წელს დაახლოებით 7,739 მლრდ რუბლს შეადგენს. აქედან 81.7 % რუსეთის ფინანსური მხარდაჭერა იქნება, ხოლო თავად ცხინვალის რეგიონის შემოსავლები - 1,414 მლრდ რუბლი, რაც ბიუჯეტის 18.3 %-ს შეადგენს.
ცხინვალის დე ფაქტო პრეზიდენტმა ანატოლი ბიბილოვმა გასცა განკარგულება, რომ მომზადდეს რუსეთთან ხელშეკრულების პროექტი, რომელიც საჯარო სექტორში მომუშავეების ხელფასის ზრდას ითვალისწინებს. ხელფასების ზრდა 2021 წლის 1 იანვრიდან დაიწყება, რისთვისაც დანამატების მოგვიანებით დარიცხვა გახდება საჭირო.
აფხაზეთის დე ფაქტო პარლამენტმა 2021 წლის ბიუჯეტის პროექტი პირველი მოსმენით მიიღო. პროექტი დე ფაქტო დეპუტატებს დე ფაქტო ფინანსთა მინისტრმა ვლადიმირ დელბამ წარუდგინა.
2021 წლისთვის რუსეთი აფხაზეთისა და ცხინვალის რეგიონის საბიუჯეტო სფეროს თანამშრომლების ხელფასების მომატებისთვის 1.3 მლრდ რუბლს გამოჰყოფს. ხელფასების მომატება 2021 წლის ფედერალური ბიუჯეტის პროექტშია გათვალისწინებული.
ცხინვალის რეგიონის დე ფაქტო ფინანსთა მინისტრის აზა ხაბალოვას განცხადებით, საბიუჯეტო სფეროს ცალკეული კატეგორიის თანამშრომლები გაზრდილ ხელფასებს მაისიდან მიიღებენ.
ცხინვალის რეგიონის დე ფაქტო შს სამინისტროს ცნობით, რუსეთის ფედერაციის მთავრობა სამინისტროს თანამშრომლებისთვის ფულადი შემწეობების გაზრდის შეთანხმების მოქმედების ვადის გაგრძელების საკითხის განხილვას გეგმავს.
რუსეთის ფედერაციაში ცხინვალის რეგიონის დე ფაქტო ელჩმა, ზნაურ გასიევმა და რუსეთის ფედერაციის შრომის მინისტრმა, მაქსიმ ტოპილინმა მოსკოვში ხელი მოაწერეს პროტოკოლს, რომლის ძალითაც ცხინვალის რეგიონის დე ფაქტო სახელმწიფო და მუნიციპალური დაწესებულებების თანამშრომლებს, რუსეთის თანადაფინანსების ხარჯზე, ხელფასები მოემატებათ.
ცხინვალის რეგიონის დე ფაქტო პარლამენტმა 2020 წლის ბიუჯეტს ერთხმად დაუჭირა მხარი. ბიუჯეტის 82% რუსეთის ფედერაციის ფინანსური დახმარება იქნება.
აფხაზეთის დე ფაქტო პარლამენტმა პირველი მოსმენით მიიღო კანონპროექტი „აფხაზეთის 2020 წლის რესპუბლიკური ბიუჯეტის შესახებ“.
რუსეთის ფედერაციის კონტროლის პალატის წარმომადგენლები ცხინვალის რეგიონს ესტუმრნენ. ვიზიტის მიზანია 2019 წელს რუსეთის ფინანსური დახმარების გამოყენებაზე ერთობლივი კონტროლის ღონისძიებების განხორციელება.