ავტორი: ანდრო კვიჟინაძე

ოკუპირებულ აფხაზეთში დსთ-ის ქვეყნების, უცხოეთში მცხოვრები თანამემამულეებისა და საერთაშორისო ჰუმანიტარული საქმეების ფედერალური სააგენტოს („რუსული სახლი“) წარმომადგენლობის ხელმძღვანელის, დმიტრი ფედოტოვის განცხადებით, გალში რუსული ენის შემსწავლელი ცენტრი გაიხსნა.

ავტორი: ქრისტინა ჯობავა

აფხაზეთში დსთ-ის ქვეყნების, უცხოეთში მცხოვრები თანამემამულეებისა და საერთაშორისო ჰუმანიტარული საქმეების ფედერალური სააგენტოს („რუსული სახლი“) წარმომადგენლობის ხელმძღვანელის, დმიტრი ფედოტოვის განცხადებით, 2023- 2024 სასწავლო წელს რუსეთის უმაღლეს სასწავლებლებში განათლების მისაღებად, ოკუპირებულ აფხაზეთში მცხოვრები მოსწავლეებისთვის 110 ადგილი გამოიყო.

დსთ-ის ქვეყნების, უცხოეთში მცხოვრები თანამემამულეებისა და საერთაშორისო ჰუმანიტარული საქმეების ფედერალურმა სააგენტომ („რუსული სახლი“) „სამხრეთ ოსეთის სახელმწიფო უნივერსიტეტს“ გადასცა 7000 - მდე სახელმძღვანელო.

აფხაზეთის დე ფაქტო რესპუბლის განათლების მინისტრის, ინალ გაბლიას თანახმად, „რესპუბლიკამ“ მიიღო 34 ათასზე მეტი სახელმძღვანელო მე-10 და მე-11 კლასის მოსწავლეებისათვის. აღნიშნული წიგნები ე.წ. სამინისტრომ მიიღო რუსეთის მთავრობის ხელმძღვანელობისა და რუსეთის განათლების სამინისტროს ხელშეწყობით. გაბლიამ მადლობა გადაუხადა ფონდს - „რუსული სამყარო“ ამ პროექტის მხარდაჭერისათვის.

აფხაზეთის დელეგაციამ რუსულ ახალგაზრდულ ფესტივალში მიიღო მონაწილეობა. ფესტივალი „Манжерок“ 5-10 ივლისს რუსეთში, ალტაის რესპუბლიკაში გაიმართა.

ცხინვალის რეგიონის ხუთი მოსწავლე საყოველთაო რუსული კონკურსის, „დიდი ცვლილების“ ფინალურ ეტაპზე გადავიდა. ჯილდოს სახით ისინი 13 ივლისს „არტეკის“ ბანაკში გაემგზავრებიან. ამის შესახებ „როსსოტრუდნიჩესტვოს“ წარმომადგენლობის თანამშრომელმა განაცხადა.

ცხინვალის რეგიონის „ელჩი“ რუსეთში, ზნაურ გასიევი მოსკოვის სახელმწიფო საგზაო-საავტომობილო ტექნიკური უნივერსიტეტის (МАДИ) რექტორის მოვალეობის შემსრულებელს, დმიტრი ეფიმენკოს შეხვდა. მათ თანამშრომლობის სხვადასხვა საკითხზე ისაუბრეს.

ცხინვალის რეგიონის იმ აბიტურიენტებს, რომლებსაც ჩრდ. კავკასიის სამთო-მეტალურგიულ ინსტიტუტში ჩაბარება სურთ, მისაღები გამოცდები ჩაუტარდათ.

ქ. ცხინვალში რუსული პროექტის - „ხელოვნებათა სინთეზის“ ფარგლებში სხვადასხვა ღონისძიება იმართება. მათი ორგანიზატორი „რუსეთის ფოლკლორული კავშირის“ ჩრდილოოსური განყოფილებაა, ხოლო მხარდამჭერი კი - რუსეთის კულტურის სამინისტრო.

გუდაუთის რაიონის რამდენიმე სკოლის ათი მოსწავლე რუსეთში, იაროსლავლის ოლქში მდებარე საზაფხულო ბანაკებში ისვენებს. ბანაკი 200-ზე მეტ მოსწავლეს აერთიანებს რუსეთის სხვადასხვა რეგიონიდან.

აფხაზმა სტუდენტებმა რუსეთის ფედერაციის საგანგებო სიტუაციების სამინისტროს სახელმწიფო ხანძარსაწინააღმდეგო სამსახურის აკადემიასა და სამოქალაქო თავდაცვის აკადემიაში სწავლა დაასრულეს. გამოსაშვები ცერემონია 26 ივნისს ქ. მოსკოვში, წითელ მოედანზე გაიმართა.

აფხაზი აბიტურიენტები რუსეთში, სევასტოპოლის უნივერსიტეტში უფასოდ სწავლას შეძლებენ. სასწავლებელში 2 ათასზე მეტი ბიუჯეტური ადგილია და აქ მოხვედრა აფხაზ აბიტურიენტებსაც შეეძლებათ.

ე.წ. სამხრეთ ოსეთის „სახელმწიფო“ უნივერსიტეტის (ЮОГУ) რექტორი ვადიმ თედეევი სამუშაო ვიზიტით ქ. მოსკოვში იმყოფებოდა.